05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Կառավարությունը հիմնավորում չունի, մեզ չեն լսել. հաշվապահական ընկերության տնօրեն․ ՏԵՍԱՆՅՈՒԹ
Հասարակություն
14.04.2025 | 14:04
«Օրենք ընդունվեց, որ 2025 թվականի հուլիսի 1-ից հաշվապական իրավաբանական ծառայություն մատուցող ընկերությունները պետք է պարտադիր աշխատեն ավելացված արժեքի հարկի դաշտում: Այդ քննարկումների ժամանակ մեր ձայնը լսելի չի եղել, մեր օբյեկտիվ դիտարկումները հաշվի չեն առնվել։ Մեզ չեն հիմավորում, թե ինչու մենք պետք է հարկվենք»,- այս մասին Կառավարության շենքի դիմաց փոքր և միջին ձեռնարկությունների ներկայացուցիների բողոքի ակցիայի ժամանակ ասաց «Սեյֆ Ինվեստ» հաշվապահական ընկերության տնօրեն Սերգեյ Խաչատրյանը։
Նա նշեց, որ հիմա պահանջ են ներկայացնում կառավարությանը և ակնկալում են, որ իրենց դիտարկումները լսելի լինեն։ Խաչատրյանի փոխանցմամբ՝ պահանջում են նաև, որ շրջանառության հարկի բարձրացման մասին օրենքի կիրառումը հետաձգվի մինչև 2026 թվականի հունվարի 1-ը։
Հիշեցնենք, որ Կառավարության շենքի դիմաց բողոքի ակցիա են իրականացնում փոքր և միջին ձեռնարկատիրությունների ներկայացուցիչները, անհատ հաշվապահներն ու իրավաբանները։ Նրանք պահանջում են կասեցնել շրջանառության հարկի բարձրացումը։
Հունվարի 1-ից շրջանառության 5 տոկոս հարկը դարձել է 10 տոկոս բոլոր նրանց համար, ովքեր ապրանքի ձեռքբերման փաստաթղթեր չեն ներկայացնի, իսկ պատշաճ փաստաթղթավորման դեպքում հարկը կկազմի շրջանառության միայն մեկ տոկոսը: Բացի այդ, դրվում է նաև ապրանքը գույքագրելու պահանջ:
Մանրամասները՝ տեսանյութում։
