13.01.2026 | 16:31
Վինուս Ուիլյամսի մրցախաղում գրանցվել է տարիքային ռեկորդ. ՏԵՍԱՆՅՈՒԹ
2300 տնտեսվարող պահանջում է Նիկոլ Փաշինյանից կասեցնել օրենքը․ ՓՄՁ ասոցիացիայի նախագահ Հակոբ Ավագյան. ՏԵՍԱՆՅՈՒԹ
Հասարակություն
14.04.2025 | 13:48
Կառավարության շենքի դիմաց բողոքի ակցիա են իրականացնում փոքր և միջին բիզնեսի ներկայացուցիչները։ Նրանք հավաքել են ավելի քան 2300 ձեռնարկատերների ստորագրություն՝ ընդդեմ շրջանառության հարկի բարձրացման։ Փոքր և միջին բիզնեսի համագործակցության ասոցիացիայի նախագահ Հակոբ Ավագյանը լրագրողների հետ զրույցում նշեց, որ դժգոհության ալիքն օրեցօր մեծանում է։ «Իշխանություններն անդրադառնում են միայն հարկերի հավաքագրման ավելացման հարցին՝ առանց ուշադրություն դարձնելու տարածքային զարգացմանը, սոցիալական խնդիրներին, աղքատության կրճատմանը։ Նիկոլ Փաշինյանը թող ուշադրություն դարձնի 2300 տնտեսվարողի պահանջին»,- ասաց նա։
Հիշեցնենք, որ Կառավարության շենքի դիմաց բողոքի ակցիա են իրականացնում փոքր և միջին ձեռնարկատիրությունների ներկայացուցիչները, անհատ հաշվապահներն ու իրավաբանները։ Նրանք պահանջում են կասեցնել շրջանառության հարկի բարձրացումը։
Հունվարի 1-ից շրջանառության 5 տոկոս հարկը դարձել է 10 տոկոս բոլոր նրանց համար, ովքեր ապրանքի ձեռքբերման փաստաթղթեր չեն ներկայացնի, իսկ պատշաճ փաստաթղթավորման դեպքում հարկը կկազմի շրջանառության միայն մեկ տոկոսը: Բացի այդ, դրվում է նաև ապրանքը գույքագրելու պահանջ:
Մանրամասները՝ տեսանյութում։
