04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Փաշինյանի ուղղությամբ խնձոր նետած Ալբերտ Առստամյանի գործով դատական նիստը. ՈՒՂԻՂ
Հասարակություն
11.04.2025 | 15:54
Երևան քաղաքի առաջին ատյանի ընդհանուր իրավասության քրեական դատարանի Ավան նստավայրում դատավոր Արման Հովհաննիսյանի նախագահությամբ շարունակվում է արցախցի 71-ամյա Ալբերտ Առստամյանի գործով դատական նիստը։ Մեղադրող դատախազը միջնորդել է Ալբերտ Առստամյանին մեղավոր ճանաչել Քրեական օրենսգրքի 297-րդ հոդվածի 1-ին մասով (խուլիգանություն) և կայացնել վերդիկտ:
Ալբերտ Առստամյանի փաստաբան Ռոման Երիցյանը հայտարարել է, որ իր պաշտպանյալին առաջադրված մեղադրանքն ապացուցված չէ, և նա պետք է արդարացվի։ Այսօրվա նիստի ընթացքում նախագահող դատավոր Արման Հովհաննիսյանը վերդիկտ կկայացնի։
Հիշեցնենք` Երևանի Զեյթուն թաղամասի 71-ամյա բնակիչ Ալբերտ Առստամյանը 2024 թվականի օգոստոսին իրենց բակում տեսել էր վարչապետ Նիկոլ Փաշինյանին և 9-րդ հարկի իր պատշգամբից խնձորը նետել նրա ուղղությամբ, սակայն չէր դիպել: Ոստիկանները հաշված ժամերի ընթացքում տարեց տղամարդուն տարել էին ձերբակալվածների պահման վայր, ոստիկանության բաժանմունք էին տեղափոխել նաև ընտանիքի անդամներին։ Արցախցի տղամարդուն մեղադրանք է առաջադրվել խուլիգանության հոդվածով: Գործով միակ վկան Փաշինյանի թիկնապահն է:
