15.04.2026 | 15:10
ԵՄ-ն նոր առաքելություն կուղարկի ՀՀ // Կարապետյանը՝ ՌԴ-ի և Կիպրոսի անձնագրերից հրաժարվելու մասին․ ԼՈՒՐԵՐ
Քասախցիներից 1 շաբաթ եմ խնդրել` հասկանանք լուծումը ոնց ենք գտնում. Կոտայքի մարզպետ․ ՏԵՍԱՆՅՈՒԹ
Տեսանյութեր
10.04.2025 | 16:02
Կոտայքի մարզի Քասախ համայնքի բնակիչների հետ փակ հանդիպումից հետո Կոտայքի մարզպետ Ահարոն Սահակյանը հայտարարեց, որ քասախցիներից մեկ շաբաթ ժամանակ է խնդրել, որպեսզի հասկանան, թե ինչպես են լուծում տրանսպորտի խնդիրը։ Նա նշեց, որ Քասախի բնակիչների պահանջները կքննարկեն և կհայտնեն, թե ինչ տարբերակով են հարցին լուծում տալիս։
Հարցին՝ ապրիլի 5-ից քասախցիներն ու պռոշյանցիները ակցիաներ են անում, սակայն իրեն չեն նկատել, որ ակտիվ լինի, խնդրին լուծում տալու հարցով, Կոտայքի մարզպետը պատասխանեց. «Ես ապրիլի 5-ից բոլորի հետ կապի մեջ եմ: Ի՞նչ պարտադիր է, որ նկատելի լինեմ: Մենք միջնորդել ենք, ժողովուրդը Տարածքային կառավարման նախարարություն է իջել, իրենց լսել են, խնդիր չի առաջացել: Հուսով եմ, որ հարցը արագ կլուծվի»:
Նշենք, որ վաղ առավոտյան Քասախ համայնքի բնակիչները փակել էին Երևան- Աշտարակ ճանապարհը՝ պահանջելով, որ ավտոբուսային համար 59 երթուղին չհանվի։ Բնակիչները ճանապարհը բացեցին միայն պաշտոնյանների գյուղ այցից հետո։
Հիշեցնենք, որ երեկ Պռոշյան և Քասախ համայնքի բնակիչները կառավարությունում հանդիպել էին պատկան մարմինների ներկայացուցիչների հետ։ Հանդիպման արդյունքում Պռոշյանի տրանսպորտի հարցը մասամբ լուծվել է՝ համար 25 երթուղին շրջադարձ կանի ՊՆ նախկին շենքի մոտից, իսկ Քասախը սպասարկող համար 59 երթուղին հանվում է։ Ապրիլի 5-ից Պռոշյանի և Քասախի բնակիչները պարբերաբար փակում են Երևան-Աշտարակ ճանապարհը՝ պահանջելով լուծել տրանսպորտի հարցը։
Մանրամասները՝ տեսանյութում։
