05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
«Խի´ ճանապարհը էդ կողմից բացեցիք», «Չգա´ն կփակենք». թեժ քննարկում քասախցիների ակցիայի վայրում․ ՏԵՍԱՆՅՈՒԹ
Հասարակություն
10.04.2025 | 12:27
Քասախ համայնքի բնակիչները միակողմանի բացեցին Երևան-Աշտարակ ճանապարհը, որպեսզի պատկան կառույցի ղեկավարներն այցելեն համայնք՝ իրենց հետ քննարկելու տրանսպորտի հարցը։ Ճանապարհը բացելուց հետո քիչ անց Քասախի բնակիչներից Արթուր Մարդանյանը հայտարարեց, որ պաշտոնյաները գյուղ չեն գալիս, բայց առաջարկել են խումբ ձևավորել և Եղվարդ համայնք գնալ՝ այնտեղ քննարկելու տրանսպորտի հարցը։
Բողոքի ակցիայի մասնակից քասախցիները պնդեցին, որ իրենք դեմ են Եղվարդ գնալուն։
«Խի´ ճանապարհը էդ կողմից բացեցիք»,- հայտարարեց բնակիչներից մեկ։ Քասախի մեկ այլ բնակիչ էլ արձագանքեց՝ «Չգա´ն կփակենք»։ Բողոքի ակցիայի վայրում այս հարցով թեժ խոսակցություն ծավալվեց բնակիչների միջև։
Նշենք, որ վաղ առավոտյան Քասախ համայնքի բնակիչները փակել էին Երևան- Աշտարակ ճանապարհը՝ պահանջելով, որ ավտոբուսային համար 59 երթուղին չհանվի։ Բնակիչները ճանապարհը բացեցին միայն պաշտոնյաների գյուղ այցից հետո։
Հիշեցնենք, որ երեկ Պռոշյան և Քասախ համայնքի բնակիչները կառավարությունում հանդիպել էին պատկան մարմինների ներկայացուցիչների հետ։ Հանդիպման արդյունքում Պռոշյանի տրանսպորտի հարցը մասամբ լուծվել է՝ համար 25 երթուղին շրջադարձ կանի ՊՆ նախկին շենքի մոտից, իսկ Քասախը սպասարկող համար 59 երթուղին հանվում է։ Ապրիլի 5-ից Պռոշյանի և Քասախի բնակիչները պարբերաբար փակում են Երևան-Աշտարակ ճանապարհը՝ պահանջելով լուծել տրանսպորտի հարցը։
Մանրամասները՝ տեսանյութում։
