Զելենսկին հայտարարել է, որ Ուկրաիան ցանկանում է ԱՄՆ-ից 50 մլրդ դոլարի զենք գնել

Ուկրաինան պատրաստ է Ամերիկայից գնել ՀՕՊ համակարգեր և այլ զենքեր 30, նաև 50 միլիարդ դոլարի չափով։ Կիևը  զենքը համարում է անվտանգության յուրատեսակ երաշխիք։ Այս մասին լրագրողների հետ հանդիպման ժամանակ հայտարարել է Ուկրաինայի նախագահ Վլադիմիր Զելենսկին, հաղորդում է ՌԲԿ Ուկրաինան։

Զելենկսին նշել է, որ Ուկրաինան դեռ չի սպառել ԱՄՆ նախկին նախագահ Ջո Բայդենի կողմից համաձայնեցված ռազմական օգնության փաթեթը։

«Բայդենի ժամանակ օգնության մասին․․․ Ճիշտն ասած, ժամկետները չեն հիշում։ Ինձ թվում է, որ օգնությունը գալիս էր առանց որևէ ժամանակային սահմանափակման։ Հետևաբար, ես չէի  կապվի ժամկետների հետ։ Այնտեղ կարևոր է գումարի չափը։ Թե՞ այն սպառված է»,- նշել է նա։

Զելենսկին հավելել է, որ Ուկրաինան արդեն ամերիկյան կողմին է ներկայացրել լրացուցիչ օգնության փաթեթի հայտ, որը ցանկանում է գնել։

«Մենք ամերիկյան կողմին փոխանցել ենք մի մեծ փաթեթ, որը ցանկանում ենք գնել։ Գնել այս կամ այն ​​ձևով։ Սա մեր ձևաչափն է, թե ինչպես ենք մենք դրա համար վճարելու»,- ասել է նա։

Զելենսկին ընդգծել է, որ Ուկրաինան Միացյալ Նահանգներից ռազմական աջակցության ապագա փաթեթն անվճար չի խնդրել։

«Մենք դրա վրա հույսը դնում ենք նույնիսկ որպես անվտանգության երաշխիք։ Ինչպե՞ս կարող ենք մեր համաձայնագիրը կապել անվտանգության երաշխիքի հետ։ Դա շատ պարզ է։ Տվեք մեզ փաթեթ, մենք կվճարենք դրա համար, մենք կարծում ենք, որ այս փաթեթը, որը ներառում է ՀՕՊ, այլ համապատասխան գործիքներ, որոնք մեզ իսկապես անհրաժեշտ են, մենք այն կհամարենք անվտանգության երաշխիք»,- նշել է Ուկրաինայի նախագահը։

Նա հայտնել է, որ ԱՄՆ նախագահ Դոնալդ Թրամփի հետ խոսել է հակաօդային պաշտպանության մասին և խնդրել վաճառել տասնյակ միլիարդավոր դոլարների պաշտպանական սարքավորումներ։

«Ես նրան հեռախոսով ասել եմ՝ տվեք մեզ առնվազն տասը։ Դա պաշտպանություն է, դա մեզ օգնություն կլինի պատերազմի ավարտից հետո, անվտանգության երաշխիք, որ Ուկրաինան փակ է ՀՕՊ-ով։ Կան բազմաթիվ տարբեր ձևաչափեր և գործիքներ, որոնց մենք պատրաստ ենք։ Մենք պատրաստ էինք գտնել 30 և 50 միլիարդ համապատասխան փաթեթի համար»,- հայտարարել է Զելենսկին։

Թարգմանությունը՝ Էմմա Չոբանյանի