09.07.2026 | 15:21
Փաշինյանը շնորհավորական ուղերձ է հղել Արգենտինայի նախագահին
Գնանք աղաչենք, խելացի անասնագոմերի ծրագիրը չի աշխատում, ի՞նչն ենք փոխում. Փաշինյանը դժգոհեց․ ՏԵՍԱՆՅՈՒԹ
Տնտեսություն
10.04.2025 | 12:12
Էկոնոմիկայի նախարարությունն առաջարկում է «խելացի անասնաշենքերի» կառուցման ծրագրում փոփոխություններ կատարել և ավելացնել հատկացվող գումարը։ Նախագիծն Կառավարության այսօրվա նիստում ներկայացրեց փոխնախարար Արման Խոջոյանը։
Վարչապետը հետաքրքրվեց՝ նախագծի ընդունումից ի վեր՝ վերջին 5 տարում, քանի՞ խելացի անասնագոմ է կառուցվել։
Խոջոյանն արձագանքեց. «Կառուցվել է 58 խելացի անասնաշենք։ Խոշոր եղջերավոր տոհմային անասունների ներմուծման շրջանակներում 2400 անասուն է ներմուծվել»։
Փաշինյանը նշեց, որ ի սկզբանե պատկերացումն այլ է եղել ծավալների վերաբերյալ. «Այսինքն, սա ցույց է տալիս, որ ծրագիրը չի աշխատում։ Բա հիմա ի՞նչ ենք փոխում, որ հաջորդ շրջանում ավելի մեծ արդյունքներ ունենանք»։
Փոխնախարարը նշեց, որ շինանյութը վերջին տարիներին թանկացել է, դրա պատճառով դիմելիությունը նվազել է:
«Հիմնական փոփոխությունը վերաբերում է փոխհատուցվող գումարին։ Այս նախագծով վերանայվել են շեմերը»,- ասաց Խոջոյանը:
Մանրամասները՝ տեսանյութում։
