10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
30 տարի քաղաքային գիծ է եղել, գծատերերին են ուզում բերել. Քասախի բնակիչ. ՏԵՍԱՆՅՈՒԹ
Հասարակություն
10.04.2025 | 11:48
Վաղ առավոտյան Քասախ համայնքի բնակիչները փակել են Երևան-Աշտարակ ճանապարհը և պահանջում են վերականգնել ավտոբուսային 59 երթուղին։
«Մենք քաղաքին մոտ են գտնվում, 30 տարի քաղաքային գիծ է այստեղ եղել, հիմա ուզում են հանել և գծատերերին բերել։ Մենք «Գազել»-ներ չենք ուզում, թող մեր ավտոբուսները շարունակեն աշխատել։ Նոր գազելները գնալու են մինչև Ֆիզիկայի (ֆիզիկայի ինստիտուտ) խաչմերուկ։ Դա մեզ ձեռք չի տալիս, քաղաքի կենտրոն հասնելու համար ստացվում է, որ պետք է 3 ավտոբուս փոխենք, լրացուցիչ ծախս է մեզ համար, ամեն օր 700-800 դրամ պետք է ավտոբուսի՞ն տանք»,- նեղսրտեց Քասախի բնակիչը։
Նրանք առաջարկում են, որ նոր երթուղու վերջնակետն ավելի երկար լինի, որպեսզի Քասախի բնակիչները Երևան հասնելու համար ստիպված չլինեն մի քանի տրանսպորտային միոջոց փոխել։
Նշենք, որ վաղ առավոտյան Քասախ համայնքի բնակիչները փակել էին Երևան- Աշտարակ ճանապարհը՝ պահանջելով, որ ավտոբուսային համար 59 երթուղին չհանվի։ Բնակիչները ճանապարհը բացեցին միայն պաշտոնյանների գյուղ այցից հետո։ Հիշեցնենք, որ երեկ Պռոշյան և Քասախ համայնքի բնակիչները կառավարությունում հանդիպել էին պատկան մարմինների ներկայացուցիչների հետ։ Հանդիպման արդյունքում Պռոշյանի տրանսպորտի հարցը մասամբ լուծվել է՝ համար 25 երթուղին շրջադարձ կանի ՊՆ նախկին շենքի մոտից, իսկ Քասախը սպասարկող համար 59 երթուղին հանվում է։ Ապրիլի 5-ից Պռոշյանի և Քասախի բնակիչները պարբերաբար փակում են Երևան-Աշտարակ ճանապարհը՝ պահանջելով լուծել տրանսպորտի հարցը։
Մանրամասները՝ տեսանյութում։
