24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Էրդողանը վաղը կընդունի Օջալանի հետ հանդիպած քրդական կուսակցության անդամներին
Քաղաքականություն
09.04.2025 | 20:48
Թուրքիայի նախագահ Ռեջեփ Թայիփ Էրդողանը հայտարարել է, որ վաղն ընդունելու է քրդամետ «Ժողովուրդների հավասարություն և ժողովրդավարություն» կուսակցության (DEM) պատվիրակությանը, որն ավելի վաղ հանդիպել էր Իմրալը կղզում բանտարկված Քրդական աշխատավորական կուսակցության (PKK) առաջնորդ Աբդուլլահ Օջալանի հետ։
«Վաղը մենք կընդունենք DEM-ի պատվիրակությանը՝ միաժամանակ հաստատելով մեր կամքը՝ հասնելու ահաբեկչությունից զերծ Թուրքիայի նպատակին»,- ասել է Էրդողանը խորհրդարանում իր ղեկավարած «Արդարություն ու զարգացում» կուսակցության խմբակցության նիստում։
Դեռևս մարտին Թուրքիայի նախագահը պատրաստակամություն էր հայտնել քրդամետ կուսակցության անդամներին։
Հիշեցնենք, որ ավելի վաղ Օջալանը կոչ էր արել PKK-ին վայր դնել զենքերը և ինքնալուծարվել։
Թարգմանությունը՝ Էմմա Չոբանյանի
