21.01.2026 | 21:44
Հոգևորականը երեկ միացել էր Փաշինյանին, այսօր՝ Գարեգին Բ-ին․ ճնշումների մասին ահազանգեր. ՏԵՍԱՆՅՈՒԹ
Հայաստանը արտերկրի համակրանքը վայելեց հատկապես խաղաղ հեղափոխությունից հետո. ՀՀ-ում Գերմանիայի արտակարգ և լիազոր դեսպան
Քաղաքականություն
03.10.2018 | 14:00
ՀՀ-ում Գերմանիայի արտակարգ և լիազոր դեսպան, Ն.Գ. Մաթիաս Քիսլերն այն համոզմանն է, որ Հայաստանը արտերկրի համակրանքը վայելեց հատկապես խաղաղ հեղափոխությունից հետո:
Այս մասին այսօր հրավիրված մամուլի ասուլիսի ժամանակ ասաց դեսպանը՝ միևնույն ժամանակ ընդգծելով, որ իրավիճակը ՀՀ-ում այնպիսին չէ, որ բոլոր խնդիրները կարող են լուծվել մեկ գիշերվա ընթացքում:
«Հայաստանի իրականության համար շատ սխալ մոտեցում է ակնկալել անմիջական փոփոխություններ: Հայ ժողովրդին կհաջողվի արդյունավետորեն անցնել այս անցումային շրջանը: Ես տեսնում եմ դրա բոլոր նախադրյալները»,-ասաց դեսպանը՝ շեշտելով, որ այսօր ԵՄ համար կարևոր է ՀՀ-ում ժողովրդի միասնականությունը՝ անցումային շրջանը հաղթահարելու համար:
Դեսպանը նշեց, որ Հայաստանը 1991 թվականին խորհրդային հասարակարգից անցում է կատարել ժողովրդավարական կառուցակարգի, և այս 27 տարիների ընթացքում կարողացել է լուրջ ձեռքբերումներ ունենալ ժողովրդավարության ամրապնդման գործում:
«Դեռևս մեծ խնդիր են մնում, սակայն գյուղերի և քաղաքների միջև մեծ տարբերությունները սոցիալական բևեռացվածության մասով, սակայն այս տարվա ապրիլ-մայիս ամիսներին մենք նոր զարգացումների ականատես եղանք, և, եթե դիտարկենք, որ Երևանի ավագանու ընտրությունների ժամանակ վարչապետի թիմը համարվող կուսակցությունը ստացավ մեծ թվով քաղաքացիների աջակցությունը, կարելի է փաստել, որ հասարակության մեծ մասը պատրաստ է գնալ դեպի զարգացում»,-ասաց դեսպանը:
