09.10.2026 | 11:24
Ադրբեջանի քաղաքացին դիմել է Նիկոլ Փաշինյանին՝ «Հայաստանում ապաստան ստանալու» խնդրանքով․ ՏԵՍԱՆՅՈՒԹ
Ռուսաստանը փաստացի հարձակում է սկսել Սումիի և Խարկովի շրջանների վրա․ Սիրսկի
Քաղաքականություն
09.04.2025 | 16:08
Ռուսաստանը փաստացի հարձակում է սկսել Սումիի և Խարկովի շրջանների վրա, բոլոր հիմնական ուղղություններով մարտերն ավելացել են։ Այս մասին հայտարարել է Ուկրաինայի Զինված ուժերի գլխավոր հրամանատար Ալեքսանդր Սիրսկին՝ մեկնաբանելով Le Figaro-ին տված հարցազրույցում նախագահ Վլադիմիր Զելենսկիի խոսքերն այն մասին, որ Ռուսաստանը պատրաստվում է նոր հարձակման Սումիի և Խարկովի շրջանների վրա, փոխանցում է ՌԲԿ Ուկրաինան։
Ըստ նրա՝ Ռուսաստանի պատրաստակամությունը՝ զոհաբերել մեծ թվով հետևակ հանուն մարտավարական հաղթանակների, կտրուկ չի փոխվել։ Նա նշել է, որ հակառակորդը շարունակում է իր ռազմավարական հարձակողական գործողությունը՝ նպատակ ունենալով առաջխաղացում ունենալ դեպի Ուկրաինայի խորքը, ամբողջությամբ օկուպացնել Դոնեցկի և Լուգանսկի, ինչպես նաև Խերսոնի և Զապորոժիեի շրջանները, անվտանգության գոտի ստեղծել Խարկովի, Սումիի և Չեռնիգովի մարզերի տարածքում։
Սիրսկին հավելել է, որ չնայած լայնամասշտաբ պատերազմին վերջ տալուն ուղղված բոլոր բանակցություններին՝ Ուկրաինան միայն ականատես է լինում հակառակորդի հարձակողական գործողությունների ինտենսիվության աճին։
«Արդեն մի քանի օր է՝ գրեթե մեկ շաբաթ, մենք նկատում ենք բոլոր հիմնական ուղղություններով հակառակորդի հարձակողական գործողությունների գրեթե կրկնապատկում»,- նշել է նա։
Թարգմանությունը՝ Էմմա Չոբանյանի
