Քաղաքականություն
09.04.2025 | 14:21Մենք համոզված ենք, որ Հայաստանի հարավում Ռուսաստանի ներկայության ընդլայնումը ռազմավարական կարևորություն ունի, համապաստապանում է և՛ Հայաստանի, և՛ Ռուսաստանի երկարաժամկետ շահերին։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով ՀՀ Սյունիքի մարզի Կապան քաղաքում ՌԴ գլխավոր հյուպատոսության բացմանը։
Նա նշել է, որ այդ քայլն էական ազդակ կհաղորդի առևտրատնտեսական, կրթական, մշակությային, հումանիտար համագործակցության կապերի հաստատմանը Սյունիքի մարզի և ՌԴ շրջանների հետ։
Ըստ ՌԴ ԱԳՆ պաշտոնյայի՝ դա առաջ կմղի առևտրատնտեսական համագործակցությունը, որն ավելի արդիական է դառնում ԵՏՄ շրջանակներում, քանի որ Իրանը վավերացրել է ազատ առևտրի համաձայնագիրը և սահմանակից է ՀՀ Սյունիքի մարզին։ Զախարովան ասել է նաև, որ «դա հուսալի ապահովագրում կլինի Սյունիքի մարզի դինամիկ, խաղաղ զարգացման համար»։
«Մենք հույս ենք հայտնում, որ մայիսին կկարողանանք հասնել կոնկրետ պայմանավորվածության մեր հյուպատոսական կետի բացման ժամկետների մասին»,- հայտարարել է Զախարովան։
Մանրամասները՝ տեսանյութում։
Էմմա Չոբանյան
