Հասարակություն
09.04.2025 | 11:33«Ըստ վիճակագրական տվյալների, համաշխարհային մասշտաբով ճանապարհատրանսպորտային պատահարների արդյունքում տարեկան գրանցվում է 1.2 միլիոն մահվան դեպք, իսկ վրաերթերի թիվը հասնում է 50 միլիոնի»,- այս մասին ԱԺ-ում «Ճանապարհային երթևեկության անվտանգությունը ՀՀ-ում» թեմայով խորհրդարանական լսումների ժամանակ ասաց Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
Նրա խոսքով՝ Հայաստանում վիճակագրությունը մտահոգիչ է․ ՀՀ-ում ամեն օր ճանապարհատրանսպորտային պատահարների զոհ է դառնում միջինը մեկ մարդ, վիրավորվում՝ 16 մարդ: «Պատահարներին նպաստող գործոնները տարաբնույթ են՝ ներառյալ ոլորտի կառավարման և ենթակառուցվածքային խնդիրները, տրանսպորտային միջոցների թվի աննախադեպ աճը, երթևեկության մասնակիցների ոչ բանիմաց լինելն ու երթևեկության կանոնները չպահպանելը, հանրակրթության ոլորտում առկա բացերը, երթևեկության մասնակիցների գիտակցության բարձրացման և քաղաքացիական պատասխանատվության խթանման ուղղությամբ ոչ բավարար աշխատանքները և շատ այլ գործոններ»,- ընդգծեց պաշտպանության և անվտանգության հանձնաժողովի նախագահը։
Անդրանիկ Քոչարյանն ասաց, որ ճանապարհային երթևեկության անվտանգության թեմայի շուրջ լսումները միտված են վեր հանել և արձանագրել ոլորտում առկա խնդիրները։
Մանրամասները՝ տեսանյութում։
