14.05.2026 | 18:47
Ընտրակաշառք, փախուստի փորձ․ ՆԳՆ-ն 49-ամյա տղամարդու է ձերբակալել
Սպառնալի՛ք է․ օտարերկրյա ծրագրերը չպետք է հեռարձակվեն ՀՀ-ի հանրային մուլտիպլեքսում․ Տիգրան Հակոբյան․ ՏԵՍԱՆՅՈՒԹ
Քաղաքականություն
08.04.2025 | 17:02
ԱԺ ԳԿՄՍԵՍ հարցերի մշտական հանձնաժողովի նիստում քննարկվեց Հեռուստատեսության և ռադիոյի հանձնաժողովի 2024 թվականի գործունեության և տեսալսողական մեդիայի ոլորտում տեղեկատվության ազատության վիճակի մասին տարեկան հաղորդումը։ Հիմնական զեկուցողը՝ Հեռուստատեսության և ռադիոյի հանձնաժողովի նախագահ Տիգրան Հակոբյանն ընդգծեց, որ Հայաստանի համար լուրջ սպառնալիք է օտարերկրյա հեռուստաընկերությունների հեռուստածրագրերի հեռարձակումը։ Ուստի՝ Տիգրան Հակոբյանը կարևորեց դրանց սահմանափակումը։ Հեռուստատեսության և ռադիոյի հանձնաժողովի նախագահ պնդմամբ՝ հանրային մուլտիպլեքսում որևէ օտար հեռարձակող չպետք է լինի։
«Վերջին մեկ և երկու տարիների իրադարձությունները ցույց են տալիս, որ մենք իրավացի ենք, երբ ասում են՝ օրենքով այդ բացը պետք է փակվի, օտար հեռուստաընկերությունները չպե՛տք է հեռարձակվեն։ Խոսքը ոչ միայն ռուսական ծրագրերի մասին է։ Մենք խոսում ենք ընդհանրապես բոլոր օտարերկրյա ծրագրերի մասին։ Վերջերս Ֆրանսիան մեծ ջանքեր էր գործադրում, որպեսզի մեր հանրային մուլտիպլեքսում ունենա երկու ծրագիր։ Ֆրանսիայի ներկայացուցիչներին ընդունել եմ, բավականին լուրջ քննարկումներ ենք ունեցել։ Փաստարկներ ենք բերել, որով արգելվում է օտարերկրյա հեռուստաընկերություններին հեռարձակվել հանրային մուլտիպլեքսում։ Վերջերս ցավալի դեպք եղավ․ հայ- գերմանական հեռուստաընկերությունը, երբ ցուցադրում էր տարածաշրջանային քարտեզը, ՀՀ-ի քարտեզը չկար։ Ֆրանսիացիաները հենց այդ ծրագրերն էին ուզում հեռարձակել։ Հիմա պատկերացրեք՝ եթե այդ ծրագրերը լինեին մեր հանրային մուլտիպլեքսում, կնշանակեր՝ մենք մեր մասին ապատեղեկատվություն ենք տարածում։ Մենք կտարածեինք աղավաղված պատմություն Հայաստանի չգոյության մասին»,- ներկայացրեց նա։
Մանրամասները՝ տեսանյութում։
