27.06.2026 | 14:41
Սպասվում է կարճատև անձրև և ամպրոպ, առանձին հատվածներում՝ նաև կարկուտ
Չե՛մ ընդունում ներկայացված մեղադրանքը. Սամվել Վարդանյան. ՏԵՍԱՆՅՈՒԹ
Հասարակություն
08.04.2025 | 16:30
«Չեմ ընդունում ինձ ներկայացված մեղադրանքը, իմ կողմից կատարվածը հանցանք չեմ համարում»,- այս մասին «Ավտոբուսի գործով» դատական նիստի ժամանակ իր վերջին խոսքում ասաց ամբաստանյալ Սամվել Վարդանյանը։
«Ուզում եմ ևս մեկ անգամ ընդգծել, որ Հակոբ Ասլանյանի հետ անձնական խնդիր չունեմ։ Ինքն այդ պահին եղել է իշխանության մաս, որոնց ես համարել եմ Հայաստանի լրջագույն խնդիրների համար պատասխանատու։ Ես ընդամենը իմ կոշտ քննադատությունն եմ ներկայացրել Հակոբ Ասլանյանին միջադեպի ժամանակ։ Դատախազության կողմից ինձ մեղադրանքներ ներկայացնելը, միչդատական վարույթում իմ նկատմամաբ խիստ խափանման միջոցների կիրառումը համարում եմ խտրականության դրսևորում և ակնկալում եմ, որ դատարանը կկայացնի արդարացման վերդիկտ», – ասաց Սամվել Վարդանյանը։
Նշենք, որ 2024-ի ապրիլի 15-ին այդ ժամանակ դեռևս ՔՊ խմբակցության պատգամավոր Հակոբ Ասլանյանի և քաղաքացի Սամվել Վարդանյանի միջև հասարակական տրանսպորտում միջադեպ էր տեղի ունեցել։ Սամվել Վարդանյանին մեղադրանք էր ներկայացվել խուլիգանության և քաղաքական կամ այլ հայացքներով պայմանավորված թշնամանք կամ անհանդուրժողականություն հրահրելու հոդվածներով։
Մանրամասները՝ տեսանյութում։
