08.12.2025 | 11:14
Թրամփը հայտարարել է, որ «մի փոքր հիասթափված է» Զելենսկիից
Անձնագիր ստանալու գործընթացը թվայնացվելու է, բիոմետրիկ տվյալների հավաքագրումը թղթային չէ․ Դավթյան․ ՏԵՍԱՆՅՈՒԹ
Հասարակություն
07.04.2025 | 13:09
«Հանրային ծառայութունների մատուցման բոլորովին նոր կոնցեպտ ենք ներդնելու»,- այս մասին մամուլի ասուլիսի ժամանակ ասաց ՆԳՆ Միգրացիայի և քաղաքացիության ծառայության պետ Նելլի Դավթյանը՝ ներկայացնելով, թե ինչ փուլում է գտնվում կենսաչափական համակարգի ներդրման գործընթացը։ Նրա խոսքով՝ միջազգային շատ լավ փորձ է բերվում Հայաստան։
Միգրացիայի և քաղաքացիության ծառայության պետը տեղեկացրեց, որ 23 գրասենյակ կունենան, որից 2-3 կլինեն Երևանում, մնացածը՝ մարզերում։ Նա մանրամասնեց, որ այդ գրասենյականերում են ընդունվելու քաղաքացիների անձը հաստատող փաստաթղթերի վերաբերյալ դիմումները։ Անդրադառնալով քննադատություններին, թե անձնագրային գրասենյակների թիվը քիչ է և քաղաքացիների համար դժվարություններ են առաջանալու, Նելի Դավթյանը հավաստիացրեց, որ ծառայությունները մատուցվելու են թվայնացված եղանակով, հաճախակի գրասենյակ այցելելու անհրաժեշտություն չի լինելու։
«Նոր տեխնոլոգիաների ներդրման շնորհիվ, քանի որ ծառայությունները թվայնացվում են, բիոմետրիկ տվյալների հավաքագրումը թղթային տարբերակով չի լինելու, այլ՝ թվային, ուստի, այս գրասենյակները բավարարելու են բնակչության սպասարկման համար»,- հավելեց նա։
Մանրամասները՝ տեսանյութում։
