24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
ՌԴ-ի հարձակման տեմպերն Ուկրաինայում վերջին չորս ամիսներին նվազել են. ISW
Քաղաքականություն
07.04.2025 | 12:18
Պատերազմի ուսումնասիրման ամերիկյան ինստիտուտը (ISW) վերջին վերլուծության մեջ հիշեցնում է, որ Ռուսաստանի հարձակման տեմպերն Ուկրաինայում անցյալ տարվա նոյեմբերից մշտապես նվազում են։ Մարտին ռուսները երեք անգամ ավելի քիչ տարածք են գրավել, քան նոյեմբերին, փոխանցում է BBC-ի ռուսական ծառայությունը։
Ըստ ISW հաշվարկների, որոնք հիմնված են գեոլոկացիոն պատկերների վրա, 2024 թվականի նոյեմբերին ռուսական զորքերն Ուկրաինայում գրավել են մոտ 627 քառ. կմ, դեկտեմբերին՝ 569 քառ. կմ, հունվարին՝ 427 քառ. կմ, փետրվարին՝ 354 քառ.կմ, մարտին՝ 203 քառ․ կմ։
ISW-ն այս տվյալները համեմատել է ապրիլի 5-ին հրապարակված Մեծ Բրիտանիայի Պաշտպանության նախարարության՝ էականորեն տարբերվող տվյալների հետ: Նախարարության գնահատականներով՝ մարտին ռուսները գրավել են ընդամենը 143 քառ. կմ, փետրվարին՝ 195 քառ. կմ, հունվարին՝ 326, դեկտեմբերին՝ 393 և նոյեմբերին՝ 730 քառ. կմ։ ISW-ն ենթադրում է, որ բրիտանացի զինվորականները հաշվարկի այլ մեթոդ են օգտագործում։
Ընդհանուր առմամբ, ուկրաինական DeepState նախագծի համաձայն՝ Ռուսաստանը լայնածավալ ներխուժումից հետո զբաղեցրել է 68,5 հազար քառակուսի կմ կամ Ուկրաինայի տարածքի 11,35%-ը։ Ավելի վաղ օկուպացված Ղրիմի, Դոնեցկի և Լուգանսկի շրջանների որոշ հատվածների հետ միասին՝ ՌԴ-ն վերահսկում է Ուկրաինայի տարածքի 18,6%-ը։
Թարգմանությունը՝ Էմմա Չոբանյանի
