09.10.2026 | 11:42
Լոռիում քննարկվել է ԱԲ-ի կիրառումը հաշմանդամություն ունեցող անձանց իրավունքների պաշտպանության համար
Թրամփը հայտարարել է, որ միտումնավոր չի հրահրել ֆոնդային բորսայի անկումը
Քաղաքականություն
07.04.2025 | 12:27
ԱՄՆ նախագահ Դոնալդ Թրամփը հայտարարել է, որ միտումնավոր չի հրահրել ամերիկյան ֆոնդային բորսայի անկումը, երբ սահմանել է լայնածավալ մաքսատուրքերը, հաղորդում է CNBC-ն։
«Ես չեմ ուզում, որ ինչ-որ բան իջնի, բայց երբեմն ինչ-որ բան շտկելու համար պետք է դեղորայք ընդունել»,- ասել է Թրամփը՝ պատասխանելով շուկաների մասին լրագրողների հարցին։
Նա հայտարարել է, որ մաքսատուրքեր է սահմանել ապրանքների ներմուծման համար՝ Չինաստանի հետ առևտրային դեֆիցիտի պատճառով։
«Մենք պետք է լուծենք մեր առևտրային դեֆիցիտը Չինաստանի հետ։ Մենք Չինաստանի հետ ունենք տրիլիոն դոլարի առևտրային դեֆիցիտ, տարեկան հարյուր միլիարդավոր դոլարներ ենք կորցնում: Եվ քանի դեռ չենք լուծել այդ խնդիրը, ես չեմ պատրաստվում գործարք կնքել»,- ասել է Թրամփը՝ նշելով, որ «պատրաստ է գործարքի Չինաստանի հետ, բայց նրանք պետք է լուծեն իրենց ավելցուկի խնդիրը»։
ԱՄՆ նախագահը նաև ասել է, որ հանգստյան օրերին խոսել է եվրոպական և ասիական առաջնորդների հետ իր վարչակազմի կողմից սահմանված մաքսատուրքերի վերաբերյալ, որոնք ուժի մեջ կմտնեն գալիք շաբաթվա ընթացքում:
Հիշեցնենք, որ Դոնալդ Թրամփը ապրիլի 2-ին հայտարարել էր «աշխարհի երկրների համար փոխադարձ մաքսատուրքեր» սահմանելու մասին։ Դրանից հետո ԱՄՆ-ում և այլ երկրներում ֆոնդային ինդեքսները սկսեցին անկում ապրել։
Թարգմանությունը՝ Էմմա Չոբանյանի
