08.09.2026 | 18:13
Կարևորում ենք Հյուսիսային Մակեդոնիայի հետ քաղաքական երկխոսության ակտիվացումը․ Փաշինյան
ՀՀ-ում 5G տեխնոլոգիայով շարժական լայնաշերտ կապի ցանցերի զարգացմանն ուղղված հերթական քայլն արված է. Մխիթար Հայրապետյան
05.04.2025 | 14:42
ՀՀ Հանրային ծառայությունները կարգավորող հանձնաժողովի որոշմամբ «Viva Արմենիա» ընկերությանը 10 տարի ժամկետով տրամադրվել են 2300-2350 ՄՀց և 2350-2400 ՄՀց ռադիոհաճախականությունների հատվածներ՝ շարժական լայնաշերտ կապի 5G տեխնոլոգիան առավել լայն տարածելու համար։ Այս մասին Ֆեյսբուքի իր էջում հայտնել է ԲՏԱ նախարար Մխիթար Հայրապետյանը:
«Ընկերությունը պետական բյուջե է փոխանցել 2.5 միլիարդ ՀՀ դրամ։ «Վիվա Արմենիա» ընկերությունը ստանձնել է հետևյալ պարտավորությունները՝
1. 3 տարում մայրուղիների 98 %-ը ծածկել շարժական ինտերնետով, դրանցից առնվազն 10 %-ը՝ 5 G տեխնոլոգիայով:
2. Յուրաքանչյուր նոր մայրուղի՝ շահագործումից հետո 3 տարում՝ 98% շարժական ինտերնետով 10%՝ 5G-ով:
3. 3 տարում Երևան, Գյումրի, Վանաձոր, Կապան քաղաքների տարածքի 20 %-ը ապահովել 5 G-ով. Ինժեներական քաղաք, Զվարթնոց, Գյումրու, Կապանի օդանավակայաններ: Բոլոր սահմանային գործող և նոր մաքսակետերը ապահովել լիարժեք 5 G ծածկույթով:
4. 5 տարում վերոնշյալ 4 քաղաքների 40 %-ն ապահովել 5G ծածկույթով: Ակադեմիական քաղաքի ամբողջ տարածքը՝ 5G-ով:
5. 7 տարում Հայաստանի յուրաքանչյուր քաղաքային բնակավայրի 60 %-ն ապահովել 5G տեխնոլոգիայով:
Այս քայլը նշանավորում է նոր փուլ Հայաստանի թվային զարգացման ճանապարհին»,- գրել է նախարարը։
