08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Թրամփն անհամբերությամբ սպասում է Հայաստանի և Ադրբեջանի միջև խաղաղության պայմանագրի ստորագրմանը․ Պետդեպի ներկայացուցիչը՝ Բաքվում
Քաղաքականություն
04.04.2025 | 13:03
ԱՄՆ նախագահ Դոնալդ Թրամփն անհամբերությամբ սպասում է, որ Ադրբեջանը և Հայաստանը ստորագրեն երկար սպասված խաղաղության պայմանագիրը։ Ադրբեջանական լրատվամիջոցների հաղորդմամբ՝ այս մասին Բաքվում Հարավային գազային միջանցքի խորհրդատվական խորհրդի 11-րդ նախարարական հանդիպմանը հայտարարել է ԱՄՆ Պետքարտուղարության էներգետիկ ռեսուրսների բյուրոյի ավագ խորհրդական Էրիկ Ջեյքոբսը։
«Թույլ տվեք նաև շնորհավորել ձեզ Հայաստանի հետ խաղաղության պայմանագրի տեքստի ավարտի կապակցությամբ: Նախագահ Թրամփն անհամբերությամբ սպասում է դրա ստորագրմանն ու վավերացմանը: Կայունությունը և պաշտոնական խաղաղության համաձայնագիրը վճռական նշանակություն ունեն տարածաշրջանում երկարաժամկետ տնտեսական զարգացման ապահովման համար»,- ասել է Ջեյքոբսը։
Նա հավելել է՝ տևական խաղաղությունը կկոտրի հակամարտությունների շղթան և սկիզբը կդնի Հարավային Կովկասում անվտանգության ու բարգավաճման նոր դարաշրջանի։
«Մենք բարձր ենք գնահատում ձեր խիզախ քայլը խաղաղության և առաջընթացի ճանապարհին»,- հայտարարել է ամերիկացի դիվանագետը։
Հավելենք, որ չնայած պայմանագրի տեքստը համաձայնեցված Բաքուն շարունակում է հրաժարվել ստորագրումից ու նոր պայմաններ առաջ քաշել։
Թարգմանությունը՝ Էմմա Չոբանյանի
