08.09.2026 | 11:53
Մեկնարկել են Մեղրի-Ծավ ճանապարհահատվածի միջին նորոգման աշխատանքները
Հարավային Կորեայի ՍԴ-ն հաստատել է երկրի նախագահի իմփիչմենթը
Քաղաքականություն
04.04.2025 | 12:10
Հարավային Կորեայի նախագահ Յուն Սոկ Յոլը վերջնականապես հեռացվել է պաշտոնից երկրի Սահմանադրական դատարանի (ՍԴ) կողմից։ Նրա իմփիչմենթի որոշումն ընդունվել է միաձայն, գրում է DW-ի ռուսական ծառայությունը։
ՍԴ նախագահ Մուն Հյոն Բեն ընդգծել է՝ դատարանը եզրակացրել է, որ նրա գործողությունները «խախտել են օրենքի գերակայության և ժողովրդավարական կառավարման հիմնական սկզբունքները»։
«Ես անկեղծորեն ցավում եմ, և իմ սիրտը կոտրվում է, որ չկարողացա արդարացնել ձեր սպասելիքները»,- ասել է ինքը՝ Յուն Սոկ Յոլը Սահմանադրական դատարանի որոշման հրապարակումից անմիջապես հետո։
60 օրվա ընթացքում Կորեայի Հանրապետությունում պետք է անցկացվեն արտահերթ նախագահական ընտրություններ։ Դրանք կարող են տեղի ունենալ հունիսի 3-ին։
Մինչև նոր նախագահի ընտրվելը՝ երկրի ղեկավարի պաշտոնը կզբաղեցնի վարչապետ Հան Դեոկ Սուն: Նրան նույնպես իմփիչմենթ էր հայտարարվել, սակայն Սահմանադրական դատարանը մարտի վերջին հրաժարվել էր հաստատել այն։
Յոլին իմփիչմենթ էր հայտարարվել այն բանից հետո, երբ նա 2024 թվականի դեկտեմբերի սկզբին փորձել էր երկրում ռազմական դրություն մտցնել: Հունվարին նա ձերբակալվել էր դատարանի որոշմամբ, երբ նախագահը չէր ներկայացել իր գործով հարցաքննության: Մարտի սկզբին դատարանը նրան ազատ էր արձակել կալանքից՝ բավարարելով պաշտպանական կողմի պահանջը։
Թարգմանությունը՝ Էմմա Չոբանյանի
