04.04.2026 | 20:03
ՃՏՊ՝ հրդեհի բռնկմամբ
Եվս 11 երեխա Ուկրաինա է վերադարձել ՌԴ-ի կողմից օկուպացված շրջաններից
Քաղաքականություն
03.04.2025 | 13:09
Ռուսաստանի կողմից օկուպացված տարածքներից ևս 11 ուկրաինացի երեխա է վերադարձել հայրենիք։ Այս մասին հայտնել է Ուկրաինայի նախագահի գրասենյակի ղեկավար Անդրեյ Երմակը, փոխանցում է DW-ի ռուսական ծառայությունը։
«Փրկվածների թվում կան 10 և 12 տարեկան երկու եղբայրներ, որոնց հայրը մահացել է ուկրաինամետ դիրքորոշման պատճառով խոշտանգումների ենթարկվելուց հետո: Նրա մահից հետո մայրը որոշել է որդիների հետ լքել ժամանակավոր օկուպացված տարածքը: Տարհանվել են նաև 2-ամյա երեխա և նրա հղի մայրը։ Կինը սկզբունքորեն հրաժարվել է ստանալ ռուսական փաստաթղթեր, հետևաբար, չի կարողացել ինքնուրույն հեռանալ։ Արդեն Ուկրաինայի կողմից վերահսկվող տարածքում կինը ևս մեկ երեխա է լույս աշխարհ բերել»,- գրել է Երմակը։
Նույն տվյալները ապրիլի 2-ին հրապարակվել են ուկրաինական Bring Kids Back UA առցանց հարթակում։ Նրանց տվյալներով՝ վերադարձած երեխաները 2-ից 17 տարեկան են։
Նշվում է նաև, որ ևս 1,6 միլիոն ուկրաինացի երեխաներ շարունակում են մնալ Ռուսաստանի վերահսկողության տակ։ 1256 երեխա արդեն վերադարձվել է տեղահանությունից, բռնի տեղահանումից կամ օկուպացված տարածքներից։
Թարգմանությունը՝ Էմմա Չոբանյանի
