Քաղաքականություն
02.04.2025 | 18:09
Հնդկական բանակը չորեքշաբթի հայտարարել է, որ Պակիստանի բանակը հատել է վերահսկողության գիծը և խախտել հրադադարի ռեժիմը Քաշմիրի հատվածում։ Միջադեպը տեղի է ունեցել Փունչ շրջանի Կրիշնա Գաթի շրջանում, գրում է The Indian Express-ը։
Նշվում է, որ ապրիլի 1-ին Կրիշնա Գաթի հատվածում ականի պայթյուն է տեղի ունեցել Պակիստանի բանակի ներխուժման հետևանքով, որին հետևել է չպատճառաբանված կրակոց և հրադադարի խախտում պակիստանյան բանակի կողմից։
Հնդկաստանի բանակի ներկայացուցիչն ասել է, որ դրան տրվել է արդյունավետ կերպով պատասխան վերահսկված ու չափված ձևով, իրավիճակն էլ վերահսկվում է։
«Հնդկական բանակը վերահաստատում է երկու երկրների ռազմական գործողությունների գլխավոր տնօրենների միջև 2021 թվականին ձեռք բերված փոխըմբռնման սկզբունքներին հավատարիմ մնալու կարևորությունը՝ վերահսկողության գծում խաղաղություն պահպանելու համար»,- ասել է բանակի խոսնակը։
Թարգմանությունը՝ Էմմա Չոբանյանի
