27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
Ստամբուլի քաղաքապետի ձերբակալման դեմ զանգվածային բողոքի ցույցերի շուրջ 2000 մասնակից է ձերբակալվել
Քաղաքականություն
02.04.2025 | 19:50
Ստամբուլի ընդդիմադիր քաղաքապետ Էքրեմ Իմամօղլուի և մյուսների կալանավորման դեմ շարունակվող բողոքի ակցիաներին մասնակցելու համար 316 մարդ է կալանավորվել, հիմնականում՝ երիտասարդներ, գրում են թուրքական լրատվամիջոցները։
ANKA լրատվական գործակալության տեղեկացմամբ՝ Իմամօղլուի և նրա շրջապատի ձերբակալությունից հետո սկսված բողոքի ցույցերի պատճառով ամբողջ Թուրքիայում ձերբակալվել է մոտ 2000 մարդ։
Ընդհանուր առմամբ, կալանավորվել է 316 մարդ․ Ստամբուլում՝ 268-ը, Իզմիրում՝ 19, Բուրսայում՝ 19, Անկարայում՝ 4, Քոջաելիում՝ 3, Ադանայում՝ 3։
Ըստ տեղեկությունների՝ Իզմիրում, Բուրսայում, Անկարայում, Քոջաելիում և Ադանայում ձերբակալվածների համար դեռ մեղադրական եզրակացություն չի կազմվել։ Ստամբուլի Գլխավոր դատախազությունը երկու առանձին մեղադրական եզրակացություն է պատրաստել ցույցերին մասնակցած 213 անձանց, այդ թվում՝ կալանավորվածների համար։ Յուրաքանչյուրին վեց ամսից մինչև երեք տարի ժամկետով ազատազրկում է սպառնում:
Թարգմանությունը՝ Էմմա Չոբանյանի
