05.04.2026 | 19:49
Հույս ունեմ, որ այս գիշեր «Բուշեր» օդանավակայանից տարհանված աշխատակիցները կհասնեն Հայաստան․ «Ռոսատոմ»-ի ղեկավար
Փոխնախարարն ու ԵՏՍԿ պաշտոնյան կարևորել են ՀՀ-ԵՄ հարաբերությունների զարգացման անհրաժեշտությունը
Քաղաքականություն
02.04.2025 | 18:18
Աշխատանքի և սոցիալական հարցերի նախարարի տեղակալ Ռուբեն Սարգսյանը հանդիպում է ունեցել Եվրոպական տնտեսական և սոցիալական կոմիտեի (ԵՏՍԿ) պատվիրակության հետ՝ ԵՏՍԿ արտաքին հարաբերությունների ստորաբաժանման ղեկավար Դիմիտրիս Դիմիտրիադիսի գլխավորությամբ․ տեղեկացնում են գերատեսչությունից։
Կողմերը կարևորել են ՀՀ-ԵՄ հարաբերությունների զարգացման, ինչպես նաև օրակարգային հարցերի ուղղությամբ շարունակական համագործակցության անհրաժեշտությունը. մասնավորապես, քննարկվել են աշխատանքի և զբաղվածության ոլորտում իրականացվող բարեփոխումների, արհմիությունների դերի, ինչպես նաև գործազրկության մակարդակի նվազեցմանը վերաբերող մի շարք հարցեր։
Անդրադառնալով ոլորտային առաջնահերթություններին՝ Ռուբեն Սարգսյանը ներկայացրել է ՀՀ Զբաղվածության 2025-2031 թթ. ռազմավարական ծրագրով և ՀՀ ժողովրդագրական իրավիճակի բարելավման 2024-2040 թթ․ ռազմավարությամբ սահմանված գերակայություններն ու այդ ուղղությամբ գործողությունների ծրագիրը։ Այս համատեքստում նախարարի տեղակալը մանրամասնել է նաև ՀՀ աշխատանքային օրենսգրքում կատարված լայնածավալ փոփոխությունները, խոսել սոցիալական գործընկերության դերի բարձրացման, ՀՀ-ԵՄ համապարփակ և ընդլայնված գործընկերության համաձայնագրի շրջանակում իրականացվող աշխատանքների մասին։
