13.01.2026 | 12:34
Ադրբեջանի և Հայաստանի միջև խաղաղության համաձայնագրի նախաստորագրումը պատմական իրադարձություն է. Իտալիայի ԱԳՆ
Նիդերլանդների դեսպանը Սյունիքում է
Քաղաքականություն
02.04.2025 | 15:30
Սյունիքի մարզ աշխատանքային այցի երկրորդ օրը Հայաստանում Նիդերլանդների Թագավորության դեսպան Մարիկե Մոնրոյ-Վինթերը քաղաքավարական այցով հյուրընկալվել է Սյունիքի մարզպետ Ռոբերտ Ղուկասյանին․ տեղեկացնում են ՀՀ-ում Նիդերլանդների Թագավորության դեսպանությունից։
Հանդիպման ընթացքում քննարկվել են մարզի ընդհանուր քաղաքական և անվտանգային իրավիճակը, ինչպես նաև Սյունիքի տնտեսության հիմնական ուղղությունները։ Դեսպան Մոնրոյ-Վինթերը կարևորել է Նիդերլանդների աջակցությունը մարզում իրականացվող ծրագրերին՝ մասնավորապես «Դիմակայուն Սյունիք Թիմ Եվրոպա» նախաձեռնությանը ու «Սոսե» Կանանց հիմնահարցեր ՀԿ-ի հետ իրականացվող տարաբնույթ ծրագրերին։
Այցի հաջորդ կանգառը եղել է Կապանի կենտրոնական գրադարանը։ Դեսպանը շրջել է գրադարանում, ծանոթացել գրական հարստությանը և նիդերլանդցի հեղինակների հայերեն թարգմանված գրքեր նվիրել։
Մեղրի համայնքի ղեկավար Խաչատուր Անդրեասյանի հետ հանդիպման առանցքում եղել են Նիդերլանդների և Հայաստանի միջև տնտեսական համագործակցության հնարավորությունները։
