11.05.2025 | 21:23
«Ես Պուտինին կսպասեմ հինգշաբթի օրը՝ Թուրքիայում»․ Վլադիմիր Զելենսկի
Սարգիս Խանդանյանը հանդիպել է ՀՀ-ում Կիպրոսի դեսպանին
Քաղաքականություն
02.04.2025 | 17:08
Արտաքին հարաբերությունների մշտական հանձնաժողովի նախագահ Սարգիս Խանդանյանն ապրիլի 2-ին հանդիպել է ՀՀ-ում Կիպրոսի արտակարգ եւ լիազոր դեսպան Միքայել Մավրոսին․ տեղեկացնում են ՀՀ ԱԺ-ից։
Ողջունելով դեսպանին՝ Սարգիս Խանդանյանը կարեւորել է Կիպրոսի հետ բարեկամության վրա հիմնված հարաբերությունների շարունակական զարգացումը: Նա մեծ ձեռքբերում է համարել երկու երկրներում դեսպանատների բացման իրողությունը: Հանձնաժողովի նախագահը հավելել է, որ բարձր մակարդակի հարաբերություններ են ձեւավորվել խորհրդարանական դիվանագիտական համագործակցության ոչ միայն երկկողմ, այլեւ բազմակողմ հարթակներում:
Միքայել Մավրոսը նշել է, որ երկու երկրների միջեւ հարաբերությունները պատմական եւ բարեկամական են:
Երկուստեք կարեւորվել են փոխայցերի անհրաժեշտությունը, համատեղ բազմաոլորտ համագործակցության ակտիվացումը:
Անդրադարձ է կատարվել Հայաստանի եւ Ադրբեջանի միջեւ խաղաղության հաստատմանը, Հայաստան-Թուրքիա հարաբերություններին, Կիպրոսի հիմնախնդրի լուծման հեռանկարներին:
