24.06.2026 | 18:34
Երևանում ավելի քան 5 ամիս փակ կլինի Արին Բերդ փողոցի ճանապարհահատվածներից մեկը
Իսրայելն ընդլայնում է ռազմական գործողությունները Գազայում․ իսրայելական ավիահարվածները 17 մարդու կյանք են խլել
Քաղաքականություն
02.04.2025 | 17:24
Իսրայելի պաշտպանության նախարար Իսրայել Կացը հայտարարել է ՀԱՄԱՍ-ի կողմից ղեկավարվող Գազայի հատվածում ռազմական գործողության ընդլայնման մասին՝ նշելով, որ բանակը կգրավի պաղեստինյան տարածքի «խոշոր հատվածներ», գրում է Franece 24-ը։
Ըստ Կացի՝ Իսրայելը կընդլայնի իր ներկայությունը Գազայում՝ «ոչնչացնելու և մաքրելու տարածքը ահաբեկիչներից և ահաբեկչական ենթակառուցվածքներից»: Նա ասել է, որ ընդլայնված գործողությամբ «կգրավվեն մեծ տարածքներ, որոնք կներառվեն Իսրայելի անվտանգության գոտիներում», սակայն նա չի հստակեցրել, թե որքան տարածքի մասին է խոսքը։
Այս հայտարարությունը հնչում է այն բանից հետո, երբ անցյալ շաբաթ նախազգուշացվել էր, որ իսրայելցի զինվորականները շուտով «ամբողջ ուժով կգործեն» ՀԱՄԱՍ-ի կողմից վերահսկվող Գազայի հատվածի այլ շրջաններում։
Իսրայելն արդեն ստեղծել է զգալի անվտանգության գոտի Գազայի հատվածում՝ ընդլայնելով այն տարածքը, որը գոյություն ուներ անկլավի սահմանագծին մինչև պատերազմը։
Բացի այդ, Գազայի հատվածի հարավում գտնվող Խան Յունիսի վրա իսրայելական ավիահարվածների հետևանքով զոհվել է 17 մարդ, հայտնել են հիվանդանոցի աշխատակիցները:
Հաղորդվում է, որ չորեքշաբթի տեղի ունեցած ավիահարվածի հետևանքով զոհված 12 մարդու մարմինները բերվել են Նասերի հիվանդանոց, զոհերի թվում են հինգ կին, որոնցից մեկը՝ հղի, ինչպես նաև երկու երեխա: Պաշտոնյաները հայտնել են, որ սպանվել են նույն ընտանիքից երեք տղամարդ, ինչպես նաև ռմբակոծված տան տերերը:
Թարգմանությունը՝ Էմմա Չոբանյանի
