08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Գերակա շահի որոշմանը չպետք է խանգարի. Ավինյանն անդրադարձավ Օղակաձև այգու մի հատվածի բարեկարգմանը․ ՏԵՍԱՆՅՈՒԹ
Քաղաքականություն
31.03.2025 | 10:50
Օղակաձև այգու 4-րդ հատվածի վերակառուցման աշխատանքների իրականացման հատվածում, այդ տարածքում գերակա շահ ճանաչելու որոշման նախագիծն արդեն մեկ անգամ քննարկվել է Կառավարությունում՝ նախարարների կոմիտեի նիստում։ Այնտեղ հնչեցված դիտողությունների և առաջարկությունների հիման վրա նախագիծը ներկայումս լրամշակման փուլում է, սակայն դրան զուգահեռ տարածքում առկա գույքերի օտարման գործընթացն արդյունավետ կազմակերպելու նպատակով, «Երևան-Նախագիծ» ընկերությունը կատարել է առկա գույքի նոր չափագրություն՝ դրանք համադրելով վկայականներում առկա սխեմաների հետ։ Այս մասին այսօր տեղի ունեցած Երևանի քաղաքապետարանի գործակարգավարական նիստի ժամանակ ասաց քաղաքապետի խորհրդական Սոնա Թևանյանը։
Ավինյանը հարց բարձրացրեց՝ ինչո՞ւ է հավելյալ երեք սուբյեկտ ավելացվում գործընթացին, եթե «Երևան-Նախագիծ»-ն արդեն իսկ չափագրումներ կատարել է, Թևանյանը նշեց. «Չսխալվելու նպատակով»։
Նիստի ընթացքում անդրադարձ կատարվեց նաև այդ տարածքում առկա գույքերից մեկի հետ կապված խնդրին, մասնավորապես, այն անցնում էր ապօրինի ծագում ունեցող գույքի բռնագանձման գործով։
«Գրությամբ դիմել ենք Գլխավոր դատախազություն, որ հասկանանք այդ գույքի նկատմամբ ինչ ռեժիմ պետք է գործի և դրա հետ կապված ինչպես ենք կարգավորում հարաբերությունները»,- նշեց Թևանյանը։
Մանրամասները՝ տեսանյութում։
