27.06.2026 | 10:57
Վթարային ջրանջատում Չարենցավան քաղաքում
Սպառնալիքներ, հայհոյանքներ, վիրավորանք. ինչո՞ւ է քաղաքական դիսկուրսի մակարդակն այսպիսին
Հաղորդաշարեր
28.03.2025 | 21:00
Հայաստանում քաղաքական բանավեճերի բառապաշարը հաճախ հիշեցնում է փողոցում վիճող տղաների լեզվակռիվ։ «Արա՛, եթե բան չկա բանավիճելու, վե՛ր ընկեք տեղներդ, ձեննե՛րդ կտրեք: Եթե բանավիճում եք, եկե՛ք խոսանք: Ես ասում եմ՝ ես ձեզ պատերո՛վ կտամ, և այդտեղից ձեր քաղաքական դիակի մնացորդները դուրս կհանեմ, երեքիդ էլ վերաբերում է, ես ձեզ ոտքի տակ կտամ, ոչ թե ձեզ հետ կբանավիճեմ»։ Այս բառամթերքով բանավեճի հրավիրողը ՀՀ վարչապետ Նիկոլ Փաշինյանն էր, հրավիրյալները նախկին նախագահներն էին, որոնք մերժեցին։ Վերջիններս ևս իրենց գործունեության ընթացքում կիրառել են կոշտ բառեր՝ վիրավորելով, ընդհուպ՝ ուղիղ հրապարակային հայհոյանք օգտագործելով։ Ժամանակին երրորդ նախագահի կողմից հրապարակային հայհոյանք էր հնչել վարչապետի հասցեին։
Պետք է հիշատակել նաև օրերս բողոքի ակցիա իրականացնող լրագրողներին ԱԺ-ի օթյակից անվտանգության աշխատակիցների կողմից բռնի ուժով հեռացնելու դեպքը։ Նրանք բողոքում էին Անդրանիկ Քոչարյանի՝ լրագրողի հասցեին արված արտահայտության դեմ։
Ինչո՞ւ է քաղաքական խոսքը հատում հայհոյանքի, վիրավորանքի սահմանը։ Factor TV-ի ուշադրության կենտրոնում այս հարցն է։
Հաղորդմանը մասնակցում են Աշոտ Մելիքյանը՝ ԽԱՊԿ ղեկավար, Նարինե Դիլբարյանը՝ լեզվաբան, ԵՊՀ դոցենտ, Վարազդատ Հարությունյանը՝ փաստաբան։
Մանրամասները՝ տեսանյութում։
Ռոբերտ Անանյան
