12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ժերար Դեպարդիեն դատապարտվել է 18 ամսվա պայմանական ազատազրկման սեռական ոտնձգության գործով
Քաղաքականություն
13.05.2025 | 16:51
Փարիզի դատարանը ֆրանսիացի հայտնի դերասան Ժերար Դեպարդիեին դատապարտել է 18 ամսվա պայմանական ազատազրկման, հաղորդում է BFMTV-ն։
Ավելի վաղ դատարանը նրան մեղավոր էր ճանաչել երկու կանանց նկատմամբ սեռական ոտնձգության մեջ, որոնք հայց էին ներկայացրել նրա դեմ։
Դերասանի փաստաբան Ժերեմի Ասուսը վճռի հրապարակումից անմիջապես հետո հայտարարել է, որ բողոքարկելու է դատավճիռը։
Մեղադրողները պահանջել են 76-ամյա դերասանին դատապարտել մեկուկես տարվա ազատազրկման և 20,000 եվրո տուգանքի։
Դեպարդիեի դեմ հայց էին 54-ամյա բեմադրող նկարիչը և 34-ամյա ռեժիսորի օգնականը, որոնք մասնակցել են «Կանաչ փեղկեր» ֆիլմի նկարահանումներին 2021 թվականին: Նրանց խոսքով՝ դերասանը բռնել է նրանց մարմնի ինտիմ մասերից: Դեպարդիեն հերքում է իր մեղքը։ Նա խոստովանել է, որ դիպչել է կանանցից մեկի ազդրերին, բայց ասել է, թե դա սեռական ոտնձգություն չի եղել։
Ընդհանուր առմամբ, մոտ 20 կին դերասանին մեղադրել է անպարկեշտ վարքի մեջ, սակայն սա առաջին դեպքն է, որ գործը հասել է դատարան։
Թարգմանությունը՝ Էմմա Չոբանյանի
