08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Փաշինյանը չի մասնակցի ՔՊ-ի հանրահավաքին Գյումրիում
Քաղաքականություն
28.03.2025 | 14:47
Այսօր Գյումրիում տեղի է ունենալու իշխող «Քաղաքացիական պայմանագիր» կուսակցության նախընտրական ամփոփիչ հանրահավաքը։ Այս մասին Factor.am-ի հետ զրույցում հայտնեց ՔՊ խմբակցության քարտուղար Արթուր Հովհաննիսյանը։ Factor TV-ի ճշտող հարցին` Նիկոլ Փաշինյանը մասնակցելո՞ւ է, Արթուր Հովհաննիսյանը պատասխանեց` ոչ։
«Հանրահավաքը կազմակերպել է Գյումրիի տեղի թիմը Սարիկ Մինասյանի գլխավորությամբ, Գյումրիի շտաբի նախաձեռնությամբ»,-ասաց Արթուր Հովհաննիսյանը։
Հիշեցնենք՝ Նիկոլ Փաշինյանն անձամբ մասնակցեց Երևանի ավագանու ընտրությունների քարոզարշավին` քայլերթով Էրեբունիից Կենտրոն գալով։ Արթուր Հովհաննիսյանից հետաքրքրվեցինք` հնարավոր է՝ Փաշինյանը չի մասնակցում, որ հնարավոր պարտության դեպքում մեղավորությունը իրե՞նը չլինի և թիմից պարզաբանումներ պահանջի։
«Նման տրամադրություններ մեր ներսում չկան։ Գյումրիի թիմը Սարիկ Մինասյանի գլխավորությամբ աշխատել է առաջին օրվանից, հիմա արդեն ամփոփիչ հանրահավաքն է և իրար վրա ինչ-որ բան գցելու բան չկա։ Մենք չենո մտածում պարտության, իսկ հետո մեղավորներ փնտրելու մասին»,-ասաց նա։
Նարեկ Կիրակոսյան
