14.05.2026 | 17:00
Խաղաղություն խոսք տվողից մինչև Նախիջևան խոսք տվող՝ ջուր ծեծող են. Գևորգյան․ ՏԵՍԱՆՅՈՒԹ
Հովիկ Աղազարյանն ու Տարոն Մարգարյանը զրկվեցին անձեռնմխելիությունից. ՔՊ-ն համաձայնություն տվեց․ ՏԵՍԱՆՅՈՒԹ
Քաղաքականություն
27.03.2025 | 16:54
ՔՊ-ից հեռացված պատգամավոր Հովիկ Աղազարյանն ու «Պատիվ ունեմ» խմբակցության պատգամավոր Տարոն Մարգարյանը զրկվեցին անձեռնմխելիությունից։
«Քաղաքացիական պայմանագիր» խմբակցությունը համաձայնություն տվեց ՀՀ գլխավոր դատախազ Աննա Վարդապետյանի միջնորդություններին։
Հովիկ Աղազարյանի դեպքում քվեարկությանը մասնակցել է 67 պատգամավոր, կողմ է քվեարկել 65 պատգամավոր, դեմ՝ 2-ը։
Տարոն Մարգարյանի դեպքում՝ 67 պատգամավոր, 67-ն էլ կողմ է քվեարկել։
Հովիկ Աղազարյանի դեպքում դեմ քվեարկած երկու ձայներից մեկը հենց Աղազարյանինն է, մյուսը՝ նրա ընկեր Հակոբ Ասլանյանինը։ Իսկ Մարգարյանի դեպքում բոլորը կողմ են եղել՝ այդ թվում, Աղազարյանն ու Հակոբ Ասլանյանը։
Factor TV-ն նրանցից մեկնաբանութուն խնդրեց, սակայն, նրանք ոչ հաստատեցին, ոչ հերքեցին, միայն հետաքրքրվեցին, թե որտեղից այդ տեղեկությունը։
Գլխավոր դատախազ Աննա Վարդապետյանը, հիշեցնենք, Ազգային ժողովին էր ներկայացրել պատգամավորներ Տարոն Մարգարյանի և Հովիկ Աղազարյանի նկատմամբ քրեական հետապնդում հարուցելուն համաձայնություն տալու միջնորդություններ։
Տարոն Մարգարյանի գործը վերաբերում է Երևանի դպրոցներին և մանկապարտեզներին պատկանող հողերի ապօրինի օտարմանը, պաշտոնեական լիազորությունների չարաշահմանը և առանձնապես խոշոր չափերով փողերի լվացմանն առնչվող հոդվածներին այն ժամանակահատվածում, երբ նա եղել է Երևանի քաղաքապետը։
Հովիկ Աղազարյանը կասկածվում է այն բանի համար, որ խոշոր չափի կաշառքի դիմաց խոստացել է կազմակերպել մանր եղջերավորների արտահանումն առանց կարանտինի։ Մեկ այլ քրեական գործի շրջանակում Աղազարյանը կասկածվում է 23 հազար դոլար կաշառք ստանալու մեջ՝ Երևանի Աջափնյակ համայնքում վթարային դպրոցի շենքի կառուցապատման գործընթացում միջնորդելու խոստման դիմաց։
Պատգամավորներն իրենց առաջադրված մեղադրանքները չեն ընդունում։
