08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփի թիմի բարձրաստիճան պաշտոնյաների անձնական տվյալներն ու գաղտնաբառերը հայտնաբերվել են առցանց տիրույթում․ Der Spiegel
Քաղաքականություն
27.03.2025 | 22:14
ԱՄՆ նախագահ Դոնալդ Թրամփի վարչակազմի որոշ բարձրաստիճան պաշտոնյաների անձնական տվյալները հանրային տիրույթում են։ Այս մասին պարզել են գերմանական Der Spiegel-ի լրագրողները։
Բազաներում լրագրողներին հաջողվել է նտլե բջջային հեռախոսահամարներ և էլփոստի հասցեներ, ներառյալ՝ Instagram-ի, LinkedIn-ի, Dropbox-ի և Signal-ի օգտահաշիվների հետ կապված: Որոշ դեպքերում, գրում է Der Spiegel-ը, նույնիսկ գաղտնաբառերը հասանելի են հանրությանը։
Նրանց թվում, ում անձնական տվյալները հրապարակայնորեն հասանելի են, Թրամփի ազգային անվտանգության հարցերով խորհրդական Մայք Ուոլզը, ԱՄՆ պաշտպանության նախարար Փիթ Հեգսեթը և Ազգային հետախուզության տնօրեն Թուլսի Գաբարդն են։ Նրանք բոլորը ներգրավված էին Signal մեսենջերում գաղտնի չաթի հետ կապված սկանդալում, որտեղ սխալմամբ ավելացրել էին The Atlantic-ի գլխավոր խմբագիր Ջեֆրի Գոլդբերգին։
Լրատվամիջոցը գրում է, որ լրագրողների հայտնաբերած տեղեկությունները կարող են օգտագործվել հաքերային հարձակումների համար, օրինակ՝ ոչ բարեկամ երկրների հետախուզական ծառայությունների կողմից։
Der Spiegel-ը կարողացել է գտնել Գաբարդի, Ուոլցի ու Հեգսեթի կոնտակտային տեղեկությունների մի մասը առևտրային տվյալների բազաներում, մինչդեռ մյուս տեղեկությունները գտնվել են, այսպես կոչված, գաղտնաբառերի արտահոսքի մեջ, որոնք հազվադեպ չեն համացանցում։
Հիշեցնենք, որ The Atlantic-ի գլխավոր խմբագիր Ջեֆրի Գոլդբերգին պատահաբար ավելացրել էին Signal մեսենջերի գաղտնի խմբային չաթում, որտեղ ԱՄՆ Ազգային անվտանգության խորհրդի բարձրաստիճան անդամները քննարկել էին Եմենի հութիների դեմ ծրագրվող ռազմական գործողության մանրամասները։ Սա մեծ սկանդալ է առաջացրել ԱՄՆ քաղաքական դաշտում։
Թարգմանությունը՝ Էմմա Չոբանյանի
