25.06.2026 | 12:57
Ռումինիայի Պատգամավորների պալատն առանց քվեարկության հաստատել է Մոլդովայի հետ միավորման մասին օրինագիծն ու ուղարկել Սենատ
«Անկախ դիտորդը» հանցագործության մասին հաղորդում է ներկայացնելու Դատախազություն՝ պահանջելով քննել Վարդան Ղուկասյանի ենթադրյալ մասնակցությամբ ձայնագրությունը
Հասարակություն
26.03.2025 | 17:55
«Անկախ դիտորդը» այսօր հանցագործության մասին հաղորդում է ներկայացնելու Դատախազություն՝ պահանջելով քննել Վարդան Ղուկասյանի ենթադրյալ մասնակցությամբ ձայնագրությունը․ այս մասին գրառմամբ տեղեկացրել է ԻՔՄ համակարգող Դանիել Իոաննիսյանը։
«Մասնավորապես, համարում ենք, որ դրանում առկա են Քրեական օրենսգրքի 210-րդ հոդվածի 3-րդ մասով նախատեսված հանցագործության հատկանիշներ (ընտրությանը որևէ ձևով քվեարկելուն հարկադրելը, որը զուգորդվել է սպառնալիքով կամ կախվածությունն օգտագործելով):
Հոդվածը նախատեսում է 4-ից 8 տարվա ազատազրկում, բայց շատ կարևոր է, որ իրավապահ մարմինները արդյունավետ կերպով աշխատեն շուկայի աշխատողների/վաճառողների հետ և ստանան եղելիության ամբողջ պատկերը:
Հ.Գ. «Անկախ դիտորդի» պահանջով համայնքապետարանն ու ընտրական մարմինները Գյումրիում հեռացվել են օրենքի խախտմամբ փակցված ՔՊ-ի տասնյակ պաստատներ (ինչ խոսք, լավ է ուշ, քան ավելի ուշ)»,- գրել է Իոաննիսյանը։
Հիշեցնենք, որ FactorTV-ին այսօր անդրադարձել էր վերանշյալ թեմային․
«Պահ-պահ-պահ, էդ ինչ ձայնագրություն ա, հիմի մարդու ձենով ինչ ասես կարան տարածեն»,- անդրադառնալով համացանցում տարածված աղմկահարույց ձայնագրությանը՝ Factor TV-ի հետ հեռախոսազրույցում ասել էր Գյումրիի համայնքապետի թեկնածու Վարդան Ղուկասյանը։
