13.01.2026 | 14:19
Ամանորի տոների ընթացքում ռուսական Նովոկուզնեցկի ծննդատանն 9 նորածին է մահացել
Հավանական է, որ ես չլինեմ․ Ղուկասյանը՝ իրեն վերագրվող հայհոյախառն ձայնագրության մասին․ ՏԵՍԱՆՅՈՒԹ
Քաղաքականություն
26.03.2025 | 14:30
«Պահ-պահ-պահ, էդ ինչ ձայնագրություն ա, հիմի մարդու ձենով ինչ ասես կարան տարածեն»,- անդրադառնալով համացանցում տարածված աղմկահարույց ձայնագրությանը՝ Factor TV-ի հետ հեռախոսազրույցում ասաց Գյումրիի համայնքապետի թեկնածու Վարդան Ղուկասյանը։ Համացանցում 28 վայրկյան տևողությամբ ձայնագրություն է տարածվում, որը ներկայացվում է որպես Ղուկասյանի հեռախոսազրույց անհայտ մի անձի հետ.
Ղուկասյան – «Երկար խանութների, դոմիկների մոտից հատ-հատ պայմանավորվի, որ իրիկվա կողմ գան մոտս»։
Զրուցակիցը պատասխանում է, որ «6 անց կես բոլորին հավաքվին, կառնիմ կուգամ»։
Ղուկասյան – «Ասա՝ պո*նիկներ, էդ սաղ ինքն է ձեզի տվել, հիմի, որ ձեր տները կպահենք էդ ինքն է ձեզի տվել, գ*ո*եր»։
Factor TV-ի հետ զրույցում Գյումրիի համայնքապետի թեկնածուն ասում է․
«Հիմի իրանք ինչ ասես կարան տարածեն, մարդու ձենով ինչ ասես կարան սարքեն, բանի տեղ չենք դնում մենք էդպիսի բաները։ Հավանական է, իրենք հիմա ինչ ասես կարան տարածեն մարդուն խայտառակելու և վարկաբեկելու համար։ Էդքան բան։»։
Մեր ճշտող հարցին՝ այսինքն ինքը՞ չի խոսող անձը, Ղուկասյանը պատասխանեց.
«Հավանական է, որ ես չլինեմ միանշանակ։ Իմ ձայնը եթե գիտեն, իմ ձայնով ինչ ասես կարան սարքեն, արհեստական, ո՞նց է կոչվում դա, բանականություն է, չգիտեմ ինչ է։ Վոբշեմ, դրանք եղած-չեղած իմ համար հաշիվ չի, անցանք գնացինք»,- ասաց Ղուկասյանը և հեռախոսն անջատեց։
Ռոզա Վարդանյան
