30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ՏԻՄ ընտրություններին կհետևի 37 ԶԼՄ և դիտորդական առաքելություն իրականացնող 5 ՀԿ
Քաղաքականություն
26.03.2025 | 18:10
Մարտի 30-ին Գյումրիում և Փարաքար խոշորացված համայնքում անցկացվող տեղական ինքնակառավարման մարմինների ընտրություններին հավատարմագրվել է դիտորդական առաքելություն իրականացնող հասարակական 5 կազմակերպություն և զանգվածային լրատվության 37 միջոց։ Այս մասին Factor TV-ն տեղեկանում է Կենտրոնական ընտրական հանձնաժողովի պաշտոնական կայքէջից։
Տեղական դիտորդական առաքելություն իրականացնող ՀԿ-ներից ամենաշատ դիտորդը հավատարմագրել է «Հայաքվե»-ն՝ 172։ «Գյումրու Առաջընթաց» քաղաքացիական հասարակության զարգացման կենտրոն» ՀԿ-ից ընտրությունները կդիտարկի 78 դիտորդ, «Անկախ դիտորդ» հասարակական դաշինքը հավատարմագրել է 31, «Ականատես» դիտորդական առաքելությունը՝ 27, իսկ «Հայ առաջադեմ երիտասարդություն» ՀԿ-՝ն 21 դիտորդ։
Հիշեցնենք՝ Փարաքարում համայնքի ղեկավարումը ստանձնելու համար հայտ է ներկայացրել քաղաքական չորս ուժ՝ «Քաղաքացիական պայմանագիր», «Ազգային առաջընթաց», «Կայունություն» կուսակցությունները և «Միասնություն» կուսակցությունների դաշինքը՝ բաղկացած «Ապրելու երկիր» և «Հաղթանակ» կուսակցություններից:
Գյումրիում պայքարի մեջ է մտել 9 քաղաքական ուժ՝ 3 դաշինք և 6 կուսակցություն. «Հայաստանի կոմունիստական կուսակցություն», «Իմ հզոր համայնք» «Հայաստանի աշխատավորական սոցիալիստական կուսակցություն», «Ապրելու երկիր», «Դեմոկրատական այլընտրանք» և «Քաղաքացիական պայմանագիր» կուսակցությունները, ինչպես նաև «Մեր քաղաքը», «Եվրադաշինք» և «Մայր Հայաստան» դաշինքները։
Ռոզա Վարդանյան
