09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Ֆրանսիայի դեսպանի հետ քննարկվել է Գորիսում հյուպատոսական գործակալություն բացելու հնարավորությունը
Քաղաքականություն
25.03.2025 | 23:18
Մարտի 25-ին Սյունիքի մարզպետի խորհրդական Սուրեն Քեսեջյանը Գորիսում համայնքի ղեկավար Առուշ Առուշանյանի հետ մասնակցել է աշխատանքային հանդիպմանը, որին ներկա էին Հայաստանում Ֆրանսիայի արտակարգ և լիազոր դեսպան Օլիվիե Դըկոտինյին, ՀՀ ՏԿԵ ու ԱԳ նախարարությունների ներկայացուցիչներ։ Այս մասին տեղեկացնում են Գորիսի համայնքապետարանից։
«Հանդիպման ընթացքում քննարկվել են Հայ-ֆրանսիական ապակենտրոնացված համագործակցության համաժողովի կազակերպմանն առնչվող հարցեր (այն հունիսին կանցկացվի Գորիսում), ինչպես նաև Գորիսում հյուպատոսական գործակալություն բացելու հնարավորությունը։
Դեսպանն ընդգծել է, որ Գորիսը ֆրանսախոս քաղաք է, ինչը կարևոր հիմք է երկկողմ հարաբերությունների զարգացման համար, իսկ գալիք համաժողովն ուղղված է երկու երկրների միջև կապերի ամրապնդմանը և համագործակցության նոր ուղիների բացահայտմանը»,- ասված է հաղորդագրությունում։
