12.03.2026 | 23:35
Վթար Երասխ-Երևան ավտոճանապարհին․ կան տուժածներ
Պայթյուն Մախաչկալայում բնակելի շենքում․ երկու վիրավոր կա․ ՏԵՍԱՆՅՈՒԹ
Քաղաքականություն
25.03.2025 | 12:49
Մախաչկալայի բազմահարկ բնակելի շենքի բնակարաններից մեկում պայթյուն է տեղի ունեցել։ Այս մասին հայտնում է ՏԱՍՍ-ը՝ վկայակոչելով արտակարգ իրավիճակների ծառայությունները։
Նախնական տվյալներով՝ բնակարանում գազի պայթյուն է տեղի ունեցել, որից հետո հրդեհ է բռնկվել։ Գործակալության աղբյուրի տեղեկացմամբ՝ միջադեպի հետևանքով մի կին է վիրավորվել։ Հանրապետական կլինիկական հիվանդանոցից հայտնել են երկու տուժածի մասին։
ՌԲԿ-ն էլ հայտնում է, որ պայթյունի հետևանքով հինգ բազմահարկ շենքերում ապակիներ են կոտրվել, վնասվել է բակում կայանված 50 ավտոմեքենա։ Վնասված բնակարաններից մեկից նկարահանված կադրերից երևում է, որ պայթյունի հետևանքով կոտրվել են ապակիներն ու պատուհանների շրջանակներ։
Պայթյունը տեղի է ունեցել Գապցախսկայա փողոցի բազմահարկ շենքի յոթերորդ հարկում, որից հետո հրդեհ է բռնկվել։ Դաղստանի առողջապահության նախարարությունից պարզաբանել են, որ մեկ կին ծանր վիճակում հոսպիտալացվել է։ Փրկարարները շենքից տարհանել են 150 մարդու։
Թարգմանությունը՝ Էմմա Չոբանյանի
