17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Ռուսական զորքերը հրթիռային հարված են հասցրել Սումիին․ վիրավորվել է 65 մարդ, այդ թվում՝ 14 երեխա
Քաղաքականություն
24.03.2025 | 21:13
Ռուսական զորքերը հրթիռային հարված են հասցրել Ուկրաինայի Սումի քաղաքին։ Այս մասին հայտնել է Սումիի շրջանային ռազմական վարչակազմի ղեկավար Վլադիմիր Արտյուխը։ Սումիի դատախազությունը հայտնում է, որ տուժել է 65 մարդ, այդ թվում՝ 14 երեխա։
«Սումի քաղաքի բնակելի թաղամասի վրա հարձակման հետևանքով 65 վիրավոր կա, այդ թվում՝ 14 երեխա։ Հետաքննության տվյալներով՝ 2025 թվականի մարտի 24-ին՝ ժամը 14:00-ի սահմաններում, հակառակորդը, նախնական տվյալներով, հրթիռային հարված է հասցրել քաղաքի խիտ բնակեցված բնակելի թաղամասին»,- ասվում է հայտարարության մեջ։
Նշվում է, որ վնասվել են մի շարք բազմաբնակարան շենքեր և ուսումնական հաստատություն՝ դպրոց։
«Երեխաները գտնվում էին պաշտպանական կառույցում։ Բոլորը ողջ են»,- ասել է Վլադիմիր Արտյուխը։
Թարգմանությունը՝ Էմմա Չոբանյանի
