13.01.2026 | 14:27
Աշխատանքից ազատել եմ ՊՆ-ում աշխատող այն ծնողներին, որոնք ունեն այլ երկրի քաղաքացի զավակներ. Պապիկյան․ ՏԵՍԱՆՅՈՒԹ
Որ էդ հողերը տայի պետությանը, էս 18 դրվագով ո՞ւմ էին դատելու․ Իսակովի պողոտայի գործով մեղադրյալ․ ՏԵՍԱՆՅՈՒԹ
Հասարակություն
24.03.2025 | 15:20
Երևանի Իսակովի պողոտայում ՊՆ-ին պատկանող հողերի ենթադրյալ ապօրինի վաճառքի գործի դատաքննության ընթացքում բացման խոսքով հանդես եկավ մեղադրյալ Արմեն Սարգսյանը։ վերջինս մոտ 20 տարի առաջ՝ հողերի վաճառքի ժամանակահատվածում եղել է Պաշտպանության նախարարության կապիտալ շինարարության և զորքերի բնակավորման վարչության պետը։ Նրան վերագրվում է 19 դրվագ հանցագործություն՝ կապված հողերի վաճառքի հետ։ Ըստ քրեական վարույթի՝ Սարգսյանը նաև հողատարածք է գնել պողոտայում։
Մեղադրյալ Արմեն Սարգսյանը այսօր դատարանում հայտարարեց, որ գործի քննության ընթացքում իրեն ասել են, որ իր անվամբ հողատարածքները վերադարձնի պետությանը, որպեսզի չդատվի, իսկ երբ հրաժարվել է, կալանավորել են։
«Շինծու, կեղծ, սարքովի մեղադրանք է»,- ասաց Սարգսյանը՝ համոզմունք հայտնելով, որ ի սկզբանե որպես թիրախ ինքն է ընտրվել, ինքը պետք է դատվեր այս գործով ու հիշեցնելով, որ թեև ինքը որևէ լիազորություն չի ունեցել հողերի վաճառքի գին կամ եղանակ որոշելու՝ միայն իրեն է մեղադրանք առաջադրվել դրանց վաճառքի համար։
«Որ էդ հողակտորները տայի պետությանը, էս 18 դրվագով ո՞ւմ էին դատելու» ,- հարց բարձրացրեց Արմեն Սարգսյանը։
Մամնարմասները՝ տեսանյութում։
Արաքս Մամուլյան
