Իսրայելը հարվածել է Գազայի ամենամեծ հիվանդանոցին․ զոհվել է հինգ մարդ, այդ թվում՝ ՀԱՄԱՍ-ի բարձրաստիճան պաշտոնյա

Լուրեր

19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
19.11.2026 | 20:16
Ոստիկանները կանխել են գողություն կատարած երիտասարդների փախուստը․ երկու անձ ձերբակալվել է. ՆԳՆ
19.11.2026 | 20:00
Փաշինյանի առաջարկն ընդդիմությունը չպիտի ընդունի․ Սերժ Սարգսյանը ևս խոստանում էր վարչապետ չառաջադրվել․ Գևորգ Սաֆարյան․ ՏԵՍԱՆՅՈՒԹ
19.11.2026 | 19:48
ՀՀ որոշ շրջաններում ձյուն է տեղում
19.11.2026 | 19:35
«Արջ քորող»-ից մինչև «եղկելի»․ Գալյանի նախագիծը Փաշինյանին չի հուզում․ ՏԵՍԱՆՅՈՒԹ
19.11.2026 | 19:26
ՀՀ-ում կանցկացվի սպորտային մարմնամարզության մեծահասակների Եվրոպայի առաջնություն
Բոլորը

Իսրայելի զինվորականները կիրակի գիշերը հարված են հասցրել Գազայի հարավում գտնվող ամենամեծ հիվանդանոցին, ինչի հետևանքով զոհվել է հինգ մարդ՝ պաղեստինցի բժիշկներ, ինչպես նաև  ՀԱՄԱՍ-ի քաղաքական առաջնորդը, կան վիրավորներ։ Հարվածների հետևանքով մեծ հրդեհ է առաջացել, գրում է France 24-ը։

ՀԱՄԱՍ-ը հայտնել է, որ սպանվել է իր քաղաքական գրասենյակի անդամ Իսմայիլ Բարհումը։

Գազայի Առողջապահության նախարարության տվյալներով՝ հարվածը հասցվել է Խան Յունիսում Նասեր հիվանդանոցի վիրաբուժության բաժանմունքին: Իսրայելական բանակը հայտարարել է, որ հարձակումը հետևել է լայնածավալ հետախուզական տվյալներին և կիրառել է ճշգրիտ զինամթերք՝ տեղում վնասը նվազագույնի հասցնելու համար:

Իսրայելի պաշտպանության նախարար Իսրայել Կացը հաստատել է, որ թիրախը եղել է Իսմայիլ Բարհումը: ՀԱՄԱՍ-ի «Ալ-Աքսա» հեռուստաընկերությունը հայտնել է, որ Բարհումը հիվանդանոցում բուժվում էր նախորդ հարձակման ժամանակ ստացած վնասվածքներից։ Իսրայելը պնդում է, որ ՀԱՄԱՍ-ը համակարգված կերպով ներթափանցել է հիվանդանոցներ, դպրոցներ և ապաստարաններ, ինչը խմբավորումը հերքում է:

Ռազմական գործողություններում երկու ամիս տրած հարաբերական անդորրից հետո Գազայի բնակիչները կրկին փախչում են այն բանից հետո, երբ Իսրայելը փաստացիորեն հրաժարվել է հրադադարից՝ նախորդ երեքշաբթի սկսելով նոր համատարած օդային և ցամաքային գործողություն ՀԱՄԱՍ-ի դեմ:

ՀԱՄԱՍ-ի մեկ այլ առաջնորդ՝ Սալահ ալ-Բարդավիլը, սպանվել է Խան Յունիսում առանձին հարվածի հետևանքով, ավելի վաղ հայտնել էր խմբավորումը։ Իսրայելական բանակը հաստատել է, որ շաբաթ ոչնչացրել է Բարդավելին: Բարդավիլն ու Բարհումը  ՀԱՄԱՍ-ի՝ 19 անդամներից բաղկացած որոշումներ կայացնող մարմնի՝ քաղաքական գրասենյակի անդամներ էին, որոնցից 11-ը սպանվել են 2023 թվականի վերջին պատերազմի սկզբից ի վեր։ Այս մասին են վկայում ՀԱՄԱՍ-ի աղբյուրները։

Պայթյուններ են լսվել Գազայի հատվածի հյուսիսային, կենտրոնական և հարավային հատվածներում կիրակի վաղ առավոտյան, երբ իսրայելական ինքնաթիռները հարվածներ են հասցրել այն տարածքների թիրախներին։ Իսրայելական բանակը հայտարարել է, որ ի նշան գործողությունների ավելի կոշտացման՝ իր ստորաբաժանումներից մեկը, որը գործում էր Լիբանանում, պատրաստվում է հնարավոր գործողությունների Գազայի հատվածում:

Ընդհանուր առմամբ, առնվազն 45 պաղեստինցի է զոհվել կիրակի իսրայելական Ռաֆահի և Խան Յունիսի ուղղությամբ հասցված հարվածների հետևանքով։

Պաղեստինցի պաշտոնյաները հայտարարել են, որ շուրջ 18 ամիս շարունակվող հակամարտությունների հետևանքով զոհերի թիվը գերազանցում է 50,000-ը:

Իսրայելի վարչապետ Բենիամին Նեթանյահուն հայտարարել է, որ պատերազմի նպատակն է՝ ոչնչացնել ՀԱՄԱՍ-ը որպես ռազմական և իշխող կազմակերպություն: Նոր արշավի նպատակն է ստիպել խմբին հանձնել մնացած պատանդներին։ Նախօրեին էլ ԱՄՆ պետքարտուղար Մարկո Ռուբիոն հեռախոսազրույց է ունեցել Նեթանյահուի հետ՝ «ընդգծելու ԱՄՆ-ի աջակցությունն Իսրայելին»։ Զրուցակիցները քննարկել են Իսրայելի շարունակական ռազմական գործողությունները Գազայի հատվածում, պատանդներին վերադարձնելու ջանքերն ու Եմենում Իրանի կողմից աջակցվող հութի զինյալների դեմ ԱՄՆ-ի հարվածները։

Գազայում իսրայելական գործողություններին անդրադարձել է ԵՄ արտաքին հարաբերությունների և անվտանգության հարցերով հանձնակատար Կայա Կալլասը։

«Իսրայելի ռազմական հարձակումը մարդկային սարսափելի կորուստներ է պատճառել»,- հայտարարել է նա։

Կալլասը նաև հավելել է, որ Իսրայելը պետք է հարգի քաղաքացիական անձանց կյանքը, և որ Գազայի հատվածի բռնակցման սպառնալիքներն անընդունելի են:

Թարգմանությունը՝ Էմմա Չոբանյանի