16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Ադրբեջանը շնորհքով կարող է ներխուժել Արցախ․ Արմեն Աշոտյանը վարչապետին խորհուրդ է տալիս զգոնությունը չթուլացնել․ ՏԵՍԱՆՅՈՒԹ
Քաղաքականություն
02.10.2018 | 16:58
Ազգային ժողովի հայտարարությունների ժամին ԱԺ ՀՀԿ խմբակցության պատգամավոր Արմեն Աշոտյանը խոսեց ոչ թե ներքաղաքական զարգացումների, այլ Արցախյան հակամարտության շուրջ ստեղծված իրավիճակի մասին։ Նա նշեց, որ ԱԺ բարձր ամբիոնից խնդրում է Նիկոլ Փաշինյանին ուշադրությունը սևեռել շատ կարևոր հարցի վրա, չկորցնել զգոնությունը և թույլ չտալ Ադրբեջանի մուտքը ՀԱՊԿ։
Պատգամավորը նաև ընդգծեց, որ վարչապետը պետք է հետամուտ լինի, որ Ալիևի հետ ձեռք բերված պայմանավորվածությունները կատարվեն։
Արմեն Աշոտյանը շեշտեց, որ այո՛, առանց Արցախի ժողովրդի որոշման այդ հակամարտությունը չի կարող լուծվել, սակայն չպետք է տարվել այն հանգամանքով, որ գուցե Ադրբեջանի նախագահը բարեկիրթ է դարձել, քանի որ կարող է շնորհքով ներխուժել Արցախ և հասարակությունը Նիկոլ Փաշինյանի լայվերը դիտելու փոխարեն այլ բան կարող է դիտել։
Հանրապետական պատգամավորը վարչապետին խորհուրդ տվեց հանկարծ մեր երկիր չներքաշել մեզ չվերաբերող խնդիրների մեջ և եթե Ալիևի հետ փոխըմբռնումը ստացվել է, ապա նրա հետ քննարկել նաև Ադրբեջանում գերևարված ՀՀ 2 քաղաքացիների հարցը։
Մանրամասները՝ տեսանյութում։
