Քաղաքականություն
21.03.2025 | 22:57«Մեր նպատակն այն է, որ սահմանի երկայնքով ունենանք խաղաղություն և կայունություն: Եվ երբ ստորագրվի խաղաղության համաձայնագիրը, մենք այլևս կունենանք ինստիտուցիոնալ խաղաղություն և կայունություն, և այդ պայմաններում Եվրամիության մեր հարգելի դիտորդներին կարող ենք կամ նեղություն չտալ կամ ավելի պակաս նեղություն տալ»,- Հանրային հեռուստաընկերությանը տված հարցազրույցի ժամանակ անդրադառնալով ԵՄ դիտորդների հնարավոր դուրսբերման հարցին, ասաց վարչապետ Նիկոլ Փաշինյանը։
Իսկ ի՞նչ ասել է ավելի պակաս նեղություն տալ, արդյո՞ք դիտորդներին նեղություն չտալը ենթադրում է, որ նրանք հեռանում են Հայաստանից, Փաշինյանը մանրամասնեց.
«Եվրամիության դիտորդներին նեղություն չտալը նշանակում է, որ այդ նեղություն տալու անհրաժեշտությունը, ըստ էության, չկա: Եվ երկրորդ՝ նշանակում է, որ Հայաստանն ու Եվրամիությունը կպայմանավորվեն դիտորդական առաքելության հետագա ճակատագրի և գործունեության ձևերի, մեթոդների մասին։ Եկեք չմոռանանք, ինչ նպատակով ենք մենք նրանց հրավիրել՝ որպես խաղաղության և կայունության գործոն։ Եթե մենք այդ համաձայնագրի ստորագրման արդյունքում ստանում ենք մեր սահմաններին խաղաղության և կայունության ավելի ուժեղ գործոն, ավելի հուսալի գործոն, շատ անտրամաբանական կլիներ, եթե մենք երկարաժամկետ ինստիտուցիոնալ խաղաղությունը չնախընտրեինք և նախընտրեինք միջանկյալ գործոնը, որը շատ կարևոր է»։
Մանրամասները՝ տեսանյութում։
