16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
Կստորագրի՞ Ադրբեջանը խաղաղության պայմանագիրը. Փաշինյանի պատասխանը. ՏԵՍԱՆՅՈՒԹ
Քաղաքականություն
21.03.2025 | 22:43
«Ադրբեջանը մտադի՞ր է ստորագրել Խաղաղության պայմանագիրը, թե՞ նոր մեթոդների դիմելով ամեն ինչ անելու է, որ հետաձգի», – Հանրային հեռուստաընկերության մեկնաբանի այս հարցին վարչապետ Նիկոլ Փաշինյանը ոչ միանշանակ պատասխան տվեց.
«Ես կարծում եմ ճիշտ չէ, որ ես խոսեմ, թե ինչ կանի Ադրբեջանը կամ ինչ է անում Ադրբեջանն այս համատեքստում, որովհետև ես կարող եմ մեր մոտիվացիաները նկարագրել խաղաղության համաձայնագրի տեքստը վերջնականացնելու ուղղությամբ մեր կատարած քայլերի։ Մենք մեր քաղաքացիների առաջ և ի լուր միջազգային հանրության՝ հայտարարել ենք խաղաղության օրակարգ և խաղաղության օրակարգի մեր նվիրվածությունը, և մեր գործողությունները շարունակաբար և հետևողական նվիրված են խաղաղության օրակարգով առաջ գնալուն»։
Փաշինյանն ընդգծում է՝ վերջին երկու տարվա ընթացքում գրանցել են շատ նշանակալի արդյունքներ.
«Արդյունքներից առաջինը Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգն է, որը մեր միջև ստորագրված առաջին միջպետական իրավական դե յուրե պարտադիր նշանակություն ունեցող փաստաթուղթն է: Եվ երկրորդ գործողությունը՝ մենք ունենք խաղաղության համաձայնագրի համաձայնեցված տեքստ: Եվ մեր գործողությունները շարունակելու են ուղղված լինել այդ տեքստը, այդ համաձայնագիրը ստորագրելուն»։
Մանրամասները՝ տեսանյութում։
