12.03.2026 | 23:35
Վթար Երասխ-Երևան ավտոճանապարհին․ կան տուժածներ
Թրամփը ներկայացրել է հաջորդ սերնդի՝ F-47 կործանիչները
Քաղաքականություն
21.03.2025 | 20:51
ԱՄՆ նախագահ Դոնալդ Թրամփը և պաշտպանության նախարար Փիթ Հեգսեթը հայտարարել են, որ Պենտագոնն ընտրել է Boeing-ին՝ ամերիկյան բանակի հաջորդ բարձր տեխնոլոգիական կործանիչը մշակելու համար: Զինվորականներն ինքնաթիռն անվանել են F-47 (Թրամփը երկրի 47-րդ նախագահն է)։ Այն, ի վերջո, պետք է փոխարինի ռազմաօդային ուժերի F-22 կործանիչներին։
Թրամփն ընդգծել է ԱՄՆ-ի երկնքում և պաշտպանական արդյունաբերական բազայում գերիշխելու անհրաժեշտությունը՝ ներկայացնելով F-47 կործանիչի պայմանագիրը։ Նա նոր բարձր տեխնոլոգիական ինքնաթիռը բնութագրել է որպես «գործնականում անտեսանելի» և «աննախադեպ հզորությամբ»՝ ենթադրություն հայտնելով, որ այն կարող է Միացյալ Նահանգներին առավելություն տալ հակառակորդների և դաշնակիցների նկատմամբ:
«Ամերիկայի թշնամիները երբեք չեն տեսնի, որ այն գալիս է։ Եթե դա երբևէ պատահի, նրանք չեն իմանա, թե ինչ դժոխք է հարվածել իրենց»,- ասել է Թրամփը՝ նշելով, որ այն 6-րդ սերնդի նմանը չունեցող կործանիչ է։
ԱՄՆ նախագահը նաև նշել է, որ Վաշինգտոնի շատ դաշնակիցներ շահագրգռված են գնել ինքնաթիռը, բայց Միացյալ Նահանգները, հավանաբար, կվաճառի դրանց «նվազեցված» տարբերակները, «որովհետև մի օր, գուցե, նրանք իրենց դաշնակիցները չլինեն»:
Թարգմանությունը՝ Էմմա Չոբանյանի
