02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Տիգրան Ուլուբաբյանը, մատնացույց արեց ոստիկանին՝ պնդելով, որ նա հայհոյել է իրեն. ՏԵՍԱՆՅՈՒԹ
Հասարակություն
21.03.2025 | 20:10
Քննչական կոմիտեի շենքի դիմաց առերես հարցաքննության սպասող Տիգրան Ուլուբաբյանը քիչ առաջ մատնացույց արեց ՔԿ շենքի դիմաց գտնվող մի անձի՝ պնդելով, թե նա եղել է ոստիկանության շենքում, ներկա է գտնվել իրեն խոշտանգելու դեպքին և հայհոյել է իրեն:
Ուլուբաբյանի մատնացույց արած անձը, սակայն, հրաժարվեց պատասխանել լրագրողների հարցերին և ոստիկաններից մեկի ուղեկցությամբ լքեց ՔԿ շենքի տարածքը:
Նշենք, որ այս պահին արդեն Ուլուբաbյանը փաստաբանի հետ ՔԿ շենքում է, ըստ նախատեսվածի՝ ժամը 18:30-ից սկսած՝ նա պետք է առերեսվի երկու ոստիկանի հետ, որոնց հնարավոր է եղել նույնականացնել:
Հիշեցնենք, որ արցախցի Տիգրան Ուլուբաբյանը բարձրաձայնել է այն մասին, որ ոստիկանության Վանաձորի բաժնում իրեն խոշտանգել են, հայհոյել են, ծեծի ենթարկել, թքել վրան՝ հորդորելով խոստովանել, որ ավազակային հարձակում է կազմակերպել իր բարեկամի տան վրա:
Ուլուբաբյանը չի խոստովանել, իսկ ազատ արձակվելուց հետո բարձրաձայնել է իր հետ տեղի ունեցածի մասին, նախաձեռնվել է քրեական վարույթ:
Մանրամասները՝ տեսանյութում։
