25.05.2026 | 12:35
Անտոնիո Կոնտեն հայտարարել է «Նապոլիից» հեռանալու մասին
ԱՄՆ-ը սահմանափակում է Ռուսաստանի դեմ պատժամիջոցների մոնիթորինգի համատեղ աշխատանքային խմբերում մասնակցությունը․ Bloomberg
Քաղաքականություն
21.03.2025 | 22:52
Եվրոպացի պաշտոնյաները պնդում են, որ ԱՄՆ նոր վարչակազմը հիմնականում բացակայում է մի քանի խմբերից, որոնք ստեղծվել են դաշնակիցների կողմից՝ հակառուսական պատժամիջոցները շրջանցելու ջանքերը խափանելու համար։ Այս մասին հաղորդում է Bloomberg-ը՝ վկայակոչելով անանուն պաշտոնյաներին, փոխանցում է BBC-ի ռուսական ծառայությունը։
Աղբյուրների խոսքով՝ ԱՄՆ ներկայացուցիչները «գործնականում չեն արձագանքել» խմբի գործողություններին՝ կանխելու զենքի մասերի և սարքավորումների մատակարարումը Ռուսաստան: Ամերիկացիները նաև ակտիվ չեն այն խմբում, որը վերահսկում է ռուսական նավթի համար G7-ի գնային շեմերի պահպանումը:
Եվրոպացի պաշտոնյաներն ասել են, թե չգիտեն՝ արդյո՞ք դա պայմանավորված է աշխատանքային խմբերում մասնակցությունը կրճատելու ԱՄՆ-ի որոշմամբ, թե՞ իրենք պարզապես բավարար անձնակազմ չունեն դա անելու համար։
Լրատվամիջոցի աղբյուրները նշել են, որ որոշ հանդիպումների մասնակցել են ոչ բարձրաստիճան պաշտոնյաներ, որոնք որոշումներ կայացնելու քիչ լիազորություններ ունեն։
Թարգմանությունը՝ Էմմա Չոբանյանի
