13.01.2026 | 14:19
Ամանորի տոների ընթացքում ռուսական Նովոկուզնեցկի ծննդատանն 9 նորածին է մահացել
ԵՄ հատուկ ներկայացուցիչը Պրահայում Հայաստանի և Ադրբեջանի միջև խաղաղության գործընթացն է քննարկել
Քաղաքականություն
21.03.2025 | 17:19
Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն Չեխիայում հանդիպումներ է անցկացրել, որոնց ընթացքում քննարկել է նաև հայ-ադրբեջանական կարգավորումը։
«Հենց նոր ավարտվեցին իմ երկօրյա ինտենսիվ հանդիպումները Պրահայում։ Շնորհակալ եմ իմ գործընկերներին, հատկապես՝ Չեխիայի ԱԳ նախարար Յան Լիպավինսկիին ջերմ ընդունելության և Հարավային Կովկասի վերաբերյալ մտքերի բաց փոխանակման համար։ Ընդգծեցինք Հայաստան-Ադրբեջան կարգավորմանն աջակցելու ուղղությամբ ԵՄ ջանքերը շարունակելու կարևորությունը, վերահաստատեցինք խաղաղության պայմանագրի բանակցությունների ավարտի վերաբերյալ անցյալ շաբաթվա հայտարարությունների կարևորությունը»,- գրել է Գրոնոն X-ի իր միկրոբլոգում։
Հիշեցնենք, որ ավելի վաղ Գրոնոն բանակցություններ էր անցկացրել Անկարայում։
Թարգմանությունը՝ Էմմա Չոբանյանի
