07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Եթե «սալյուտը» շուտ ա վերջանում, չեք կարողանում բացահայտել, մյուս աղմուկի դեպքերում ի՞նչ եք անելու․ ՏԵՍԱՆՅՈՒԹ
Հասարակություն
21.03.2025 | 16:06
«Հանրային աղմուկը՝ որպես համակեցության կանոնների պահպանման խոչընդոտ, գործող իրավական կարգավորումներ: Օրենսդրական լուծումներ» թեմայով խորհրդարանական լսումների ժամանակ պատգամավոր Թագուհի Թովմասյանը Ներքին գործերի նախարարի տեղակալից հետաքրքրվեց, թե ինչ քայլեր են անում աղմուկի վերաբերյալ քաղաքացիներից դժգոհություն ստանալուց հետո։
«Քաղաքում սահմանված ժամից դուրս հրավառություն է տեղի ունեում, բայց ոստիկանության գործողությունները ավելի շատ անգործություն են հիշեցնում։ Ոստիկանապետը կառավարության նիստի ժամանակ օբյեկտիվորեն պատասխանել էր, որ չեն կարողանում խախտումը գտնել, մինչև գնում են, «սալյուտը» վերջացած է լինում։ Հիմա եթե «սալյուտը» շուտ է վերջանում, մյուս աղմուկի դեպքերը ո՞նց եք բացահայտելու, նրանք ավելի արագ կարող են ավարտվել»,- հարցրեց Թովմասյանը։
Ներքին գործերի նախարարի տեղակալ Արմեն Մկրտչյանը համաձայն է, որ կան խնդիրներ։
«Այո՛, իրավախախտումների հայտնաբերումը որոշակի առումով բարդ է, բայց դա չի նշանակում, որ մենք պետք է ասենք՝ բարդ է ու դրանց հետևից չգնանք։ Գնում ենք այնքան, ինչքան մեր ռեսուրսը, կարողությունը և օրենսդրությունը մեզ հնարավորություն է տալիս»,- ընդգծեց Մկրտչյանը։
Մանրմասները՝ տեսանյութում։
